Jatun tantakuyman wajyarikusqan
1. ¿Maykʼajtaj jatun tantakuypaj invitacionta jaywayta qallarisun?
1 Amigosninchejta chayri familiaresninchejta wajyarinapajqa, waykʼunapaj necesitakusqanta rantinchej, chantapis tiempochakunchej. Chaytataj kusiywan ruwanchej. Kikillantataj wakichikun, kay 2014 watapi jatun tantakuy, ashkha suyuspaj jatun tantakuy ima ruwakunanpajpis. Kinsa semana ñaupajtataj runasta jatun tantakuyman wajyarisun. ¿Imataj chayta kusiywan ruwanapaj yanapawasun?
2. ¿Imataj tanqawasun aswan kusiywan runasta wajyarinapaj?
2 Jatun tantakuykunapi Jehová wakichipuwasqanchej imaynatachus yanapawasqanchejpi tʼukureyqa, aswan kusiywan runasta wajyarinapaj tanqawasun (Isa. 65:13, 14). Chantapis invitacionesta jaywarisqanchejqa, mana qhasipajchu kanqa. Wakin wajyarisqanchej runasqa, jatun tantakuyman jamonqanku. Mashkha jamojtinkupis, invitacionesta jaywasqanchejqa, Jehovata jatunchanqa, kʼacha kasqantataj rikuchenqa (Sal. 145:3, 7; Apo. 22:17).
3. ¿Imaynatá invitacionesta jaywasun?
3 Maypichus willanchej chaypi, imaynatachus invitacionesta jaywakunanta, wasinkupi mana kajkunamanpis chayri ashkha runas tiyan chaypi saqenatachus manachus, ancianos kamachenqanku. Semana tukukuypeqa, revistaswan khuska invitacionesta jaywakonqa. Ñaupaj kaj sabadota Bibliamanta yachachiyta qallarinapaj kallpachakunamantaqa, invitacioneswan astawan llankʼasun. Invitacionesta jaywayta tukusqanchejtawantaj kusikusun, tukuy sonqo ruwasqanchejmanta. Chantá ashkha wajyarisqanchej runas, noqanchejwan khuska Jehovaj wakichisqan tantakuypi kasqankupis kusichillawasuntaj.