Jatun tantakuyman wajyarinapaj invitación

Sapa wata may kusiywan suyakunchej jatun tantakuyninchejta. Chay tantakuymanqa, waj runaspis jamunankuta munanchej, chayrayku tukuyta wajyarinapaj kallpachakusunman (Sl 34:8). Sapa congregacionmanta ancianos kamachenqanku imaynatachus invitacionesta jaywakunanta.

KAY TAPUYKUNAPI TʼUKURISUNMAN

• ¿Maykʼajtaj jatun tantakuyniy kanqa?

• ¿Maykʼajtaj congregacionniypi jatun tantakuypaj invitacionta jaywayta qallarikonqa?

• ¿Maykʼajtaj willayman llojsinapaj tantakuykunata ruwakonqa?

• ¿Imastataj invitacioneswan willanaypaj ruwasaj?

• ¿Pikunamantaj invitacionta jaywasaj?

¿IMATÁ NISUN INVITACIONTA JAYWASHASPA?

Napaykuriytawan, ichá nisunman:

“Jallpʼantinpi runasta uj sumaj tantakuyman wajyarishayku. Kay invitacionta qanpaj apamuni. Maypichus, maykʼajchus kananta kaypi willashan. Munaykuman qanpis jamurinaykita”, nispa.

¿IMAYNATÁ YANAPALLASUNMANPUNI?

Ashkha runasta jatun tantakuyman wajyariyta munaspapis, Diospa Palabranmanta yachakuyta munajkunata yanaparinanchej kanman.

Semana tukukuypeqa, revistastawan khuska invitacionesta jaywakonqa.