Kay jw.org nisqawan willana

Kay jw.org nisqaqa sumaj willaykuna “kay pachaj kʼuchusninkama” chayananpaj mayta yanapan (Hech. 1:8). Chaywanpis ashkha runasqa imachus kay jw.org kasqanta mana yachankuchu, yachanankupajqa noqanchejraj willananchej chayri rikuchinanchej tiyan.

Qotuchakuykunata waturej hermanoqa ¿Imaraykutaj Bibliamanta yachakuna? nisqa videota kay jw.org nisqamanta celularninman uraqacherqa. Atikojtintaj runasman chay videota rikuchin. Sutʼincharinapaj: Wasimanta wasi willashaspa pay nin: “Uj ratitulla kay kinsa tapuykunamanta runaswan parlarishani: ¿Imaraykú sajra imas tiyan? ¿Imaynamantá Dios allinchanqa? Chaykamataj, ¿imatá ruwasunman? Kay videopi chay tapuykunasman kutichishan”, nispa. Chay videotataj rikuchinpacha, chantá qhawarin imaynachus wasiyojman rijchʼasqanta. Ashkha runastaj chay videota tukukunankamapuni qhawanku. Wasiyojmantaj kayta nin: “Qhawarinki jina Bibliamanta yachakunaykipaj Jehovaj testigon visitarisunanta munanki chayqa, Internetpi kay jw.org nisqaman yaykuyta atinki. Ña kaypiña kashaspa imaynatachus runasman Bibliamanta yachachisqaykuta sutʼinchariykiman”, nispa. Wasiyojpata tiempon kajtenqa, imaynatachus runasman Sumaj willaykuna folletowan Bibliamanta yachachisqanchejta rikuchin. Mana tiempon kajtintaj, waj pʼunchay kutispa rikuchinanta nin. Café vendena wasipi samarishaspapis, kʼachamanta ladonpi kaj runaswan kay jw.org nisqamanta parlarillantaj. Noqanchejrí, ¿kay jw.org nisqawan willashanchejchu?