“Tukuy runas uj parlayllata parlaj kanku”

11:1-4, 6-9

Jehová Diosqa Babelpi mana kasukoj runaspa parlayninkuta chajruspa tukuynejman tʼaqaracherqa. Kay tiempopitaj may chhika runasta tukuy nacionesmanta, tukuy parlaykunamantawan tantashan. Paykunamantaj ‘llimphu parlayta’ yachachishan, sutinta oqharispa uj sonqolla sirvinankupaj (Sof 3:9; Ap 7:9). Chay ‘llimphu parlayqa’ Jehovamanta, imatachus ruwayta munasqanmanta ima cheqa yachay, chaytaj Palabranpi kashan.

Waj idiomata parlayta yachanapajqa, mana yuyayninchejpi palabrasllatachu japʼina tiyan. Manaqa chay idiomapi parlakusqanman jina yuyayta yachakuna tiyan. Ajinallatataj Bibliamanta ‘llimphu parlayta’ yachakuspaqa, yuyayninchejta mosojyachinchej (Ro 12:2). Chaypajtaj kallpachakunallapuni, ajinamanta Diospa llajtan ujchasqa kananpaj (1Co 1:10).