¿Pikunatawantaj invitasunman?

Sapa wata kallpachakunchej predicanchej chaynejmanta runasta Jesuspa Wañuyninta Yuyarinapaj tantakuyman invitanapaj. Chay runasqa mana rejsisqasninchejchu. Rejsisqasninchejtapis invitarillasunmantaj. Wakin runasqa uj rejsisqanku uj invitacionta saqejtin riyta yachankupuni (yb08-S pág. 11 párr. 3; pág. 14 párr. 1). Ichapis invitarisunman:

• Familiaresninchejta.

• Trabajomanta chayri escuelamanta compañerosninchejta.

• Vecinosninchejta.

• Revisitasninchejta chayri estudiosninchejta, saqepusqanchej estudiosta ima.

Chantapis ancianosqa manaña tantakuykunaman, nitaj willaymanpis rej hermanosta invitarenqanku. Uj rejsisqanchej waj ladopi tiyakojtenqa, Internetpi jw.org nisqaman yaykuspa, NOQAYKUMANTA nisqapi “Jesuspa Wañuyninta Yuyarinapaj tantakuy” nisqata maskʼasunman. Chaypitaj tarisun chay tantakuy maypichus, ima horastachus ruwakunanta. Ajinamanta indicanapaj. Kay wata chay tantakuyman pikunatachus invitananchejpi piensarishasunman, paykunaman uj invitacionta jaywanapaj.