Jesuspa Wañuyninta Yuyarinapaj tantakuypaj wakichikuna

Jesús última Pascuata ruwasqanqa may sumaj karqa. Wañupunanta yachasqanraykutaj Jesusqa apostolesninwan chay Pascuata ruwarqa. Chaymantapachataj apostolesninta kamacherqa Señorpa Cenanta ruwanankuta. Chaypajtaj Pedrota, Juantawan uj cuartota wakichinankuta nerqa (Lu 22:7-13; tapanpi dibujota qhawariy). Kayqa sutʼita yachachiwanchej, Jesuspa Wañuyninta Yuyarinapaj tantakuypaj, kay 27 de marzo killapaj wakichisqa kananchejta. Chay tantakuypaj congregacionesmanta hermanosqa, ajllanqankuña pichus discursante kananta, pikunachus tʼantata vinotawan pasanankuta, waj imastawan. Noqanchejrí, ¿imatá ruwananchej tiyan chay diapaj wakichisqa kanapaj?

Sonqonchejta wakichina. Jesuspa Wañuyninta Yuyarinapaj tiempopeqa Bibliata leerispa tʼukurina. Chay semanapaj ima versiculostachus leenapajqa Diospa Palabranta sapa pʼunchay ukhunchana folletopi, Bibliata estudianapaj yanapa nisqa folletitopi 16 rakʼiypi ima kashan. Kallantaj abril de 2020 watamanta Cristiano Kausayninchej folletopi. Imaraykuchus Jesús wañusqanta familiaykiwan astawan ukhunchayta munaspaqa Índice de las publicaciones Watch Tower nisqa publicacionwan, Jehovaj testigosnin yachaqanasta maskʼanankupaj nisqa publicacionwan ima yanapachikuwaj.

Wajkunata invitarina. Jesuspa Wañuyninta Yuyarinapaj tantakuyman ashkha runasta invitanapaj tukuy atisqanchejta kallpachakuna. Invitarisunman revisitasninchejta, ñaupa estudiosninchejta, familiaresninchejta, rejsisqasninchejta ima. Ancianosqa chiriyapoj hermanosta invitananku tiyan. Invitasqanchej runa mana predicanchej chaynejpichu tiyakun chayqa, Internetpi jw.org nisqaman yaykuspa willarisunman ima horastachus, maypitajchus lugarninpi ruwakunanta. Chaypajqa NOQAYKUMANTA nisqapi ñitʼiykuspa “Jesuspa Wañuyninta Yuyarinapaj tantakuy” nisqaman yaykusunman.

¿Imatawan ruwasunman wakichisqa kanapaj?