Tukuyman willana tumpamantawan sumaj jallpʼapi kausananchejta

Noviembre killapi tukuy kallpachakusun, tumpamantawan sumaj jallpʼapi kausananchejmanta runasman willamunapaj (Sl 37:10, 11; Ap 21:3-5). Chay killapi astawan willanapaj tiempocharikushasunmanña. Chay killapi precursores auxiliares kajkunaqa 30 chayri 50 horasta ruwayta atenqanku.

Mosoj jallpʼamanta parlaj versiculosta runaspaj leeripunaykipaj kallpachakuy. Uj versiculota ajllashaspaqa, congregacionniyki predican chaynejpi imaspichus runas creesqankupi piensariy. Pillapis ñaupaj kutipi parlarejtiyki astawan yachakuyta munan chayqa, 2 kaj Torremanta Qhawaj revistata 2021 watamanta saqey. Chantá chay runata visitaj kutiypacha. Chaymantataj Wiñaypaj kusisqa kausakuy nisqa folletowan Bibliamanta yachachiyta qallariy. ‘Allin kausaymanta sumaj willayta apaspa’ mayta kusikunchej (Isa 52:7).

MOSOJ JALLPʼAPI TʼUKURIY NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imapitaj imillita tʼukurishan?

• ¿Imastataj mosoj jallpʼapi astawan juntʼakunanta suyanki?

• ¿Imaynatá mosoj jallpʼapi tʼukuriy noviembre killapi astawan predicanaykipaj yanapasunkiman? (Lu 6:45).