CRISTIANO KAUSAYNINCHEJ
Molestasojtinkoqa Jehovapi atienekuy
Wajkuna molestawasqanchej chayri asipayawasqanchejqa sufrichiwasunman, sonqonchejtataj mayta nanachiwasunman. Chantapis sichus creenciasninchejrayku churanakuwanchej chaykunata manchachikusunman chayqa, Jehovamanta karunchakusunman. Wajkuna molestasojtinku, ¿imatá ruwawaj jarkʼakunaykipaj?
Ashkhasqa wajkuna asipayajtinkupis chayri molestajtinkupis, Jehovapi atienekusqankurayku ñaupajman rillarqankupuni (Sl 18:17). Esterqa mana manchachikuspa imatachus Hamán ruwayta munashasqanta sutʼiman orqhorqa. Hamanqa sajra runa karqa, Diospa llajtanpa contranpitaj kasharqa (Est 7:1-6). Estertaj niraj chayta sutʼiman orqhoshaspa ayunarqa. Ajinamanta Jehovapi atienekusqanta rikucherqa (Est 4:14-16). Jehovaqa chayta ruwasqanmanta bendicerqa, chayrayku payta, llajtantapis jarkʼarqa.
Joven, sichus molestasunku chayqa Jehovamanta yanapata mañakuy, chantapis chay molestasusqankuta uj kuraj runaman willariy, ichapis mamaykiman chayri tataykiman. Jehovaqa Esterta jina yanapasonqapuni. Pero, ¿imatawán ruwawaj molestasojtinku chayri asipayasojtinku?
JOVENCITULLARAJ KASHASPA: ¿IMATÁ RUWAYMAN MOLESTAWAJTINKU? NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imatá jóvenes yachakunkuman Charliemanta Ferinmantawan?
¿Imatá tatas kay videomanta yachakunkuman?