CRISTIANO KAUSAYNINCHEJ
Ancianosqa Diospa llajtanta yanapanankupaj mayta kallpachakunku
Ashkha runasqa atiyniyoj kajkunata manapuni allinpajchu qhawanku, razonnillankupitaj kashanku. Ashkha runasqa atiyninkumanta valekuspa, mana allin kajta ruwanku allinnillankuta maskʼaspa. Chaytaj ñaupa tiempomantapachaña ajina karqa (Miq 7:3). Diospa llajtanpitaj mana ajinachu. Jehovaqa ancianosta yachachin atiyta japʼisqankuwan congregacionmanta hermanosta yanapanankuta (Est 10:3; Mt 20:25, 26).
Ancianosqa mana kay sajra mundomanta atiyniyoj runas jinachu kanku. Paykunaqa Jehovata, hermanostawan munakusqankurayku llankʼanku (Jn 21:16; 1Pe 5:1-3). Ancianosqa Jesús nisqanman jina ruwanku, tukuy publicadorestataj yanapanku Jehovaj llajtanpi uj familia jinalla kanankupaj, Jehovaj qayllallanpipunitaj kanankupaj. Paykunaqa wakichisqapuni kanku Jehovaj ovejitasninta kallpachanankupaj. Uj desastre natural kajtin chayri kaymanta jinalla hospitalman yaykojtinchej, ancianosqa yanapanawanchejpaj wakichisqa kashanku. Sichus yanapata necesitashanki chayqa ama iskaychakuychu, chay rato congregacionniykimanta uj ancianowan parlariy (Snt 5:14).
ANCIANOSQA HERMANOSTA SUMAJTA QHAWANKU NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imaynataj Marianata rerqa ancianos yanapasqankurayku?
¿Imaynataj Eliasta rerqa ancianos yanapasqankurayku?
Kay videota qhawaytawan, ¿imatá yuyanki ancianospa llankʼayninkumanta?