2 Crónicas
18 Jehosafatqa may qhapaj kaspapis, may respetasqa kaspapis+ Achabwan*+ aylluchakorqa. 2 Uj mashkha watasninmantaj Jehosafatqa Samariaman rerqa Achabta watukoj.+ Achabtaj ashkha ovejasta, ashkha wakasta Diospaj ñakʼacherqa* Jehosafatpa sutinpi, paywan kasharqanku chay runaspa sutinpiwan. Jehosafatmantataj mayta mañakorqa Ramot-Galaadwan+ maqanakoj rinankuta. 3 Chantá Israelpa reynin Achabqa Judajpa reynin Jehosafatta taporqa: “¿Noqawan khuska riwajchu Ramot-Galaadman?”, nispa. Jehosafattaj kuticherqa: “Noqaqa qanwan khuska maqanakuman risaj. Soldadosniypis soldadosniykiwan khuska renqanku, guerrapitaj yanapasonqanku”, nispa.
4 Chantá Jehosafatqa Israelpa reyninman nerqa: “Ama jina kaspa, ñaupajtaqa Jehová Diostaraj tapurichiy”,+ nispa. 5 Israelpa reynintaj profetasta tantaykorqa 400 runasta, chantá paykunata taporqa: “¿Risqaykuchu* Ramot-Galaadwan maqanakoj chayri manachu?”, nispa. Paykunataj kuticherqanku: “Rillay. Cheqa Diosqa* Ramot-Galaadta reypa makinman jaywaykonqa”, nispa.
6 Jehosafattaj nerqa: “¿Nichu kaypeqa Jehová Diospa profetan tiyan?+ Chay profetawan Diosta tapurichikullasunmantaj”,+ nispa. 7 Israelpa reynintaj Jehosafatta nerqa: “Kanraj uj runa,+ paynejta Jehová Diosta tapurisunman. Pero paytaqa chejnikuni. Payqa ni jaykʼaj ninchu allin rinawantaqa, mana allin rinallawantapuni niwan.+ Chay profetaqa Imlaj wawan Micaya”, nispa. Jehosafattaj nerqa: “Ama ajinata parlaychu”, nispa.
8 Israelpa reynintaj ujnin kuraj kamachinta wajyaspa nerqa: “Pusamuy Imlaj wawan Micayata, usqhayta”,+ nispa. 9 Israelmanta reywan Judamanta rey Jehosafatwanqa, sapa ujninku kamachina tiyanasninkupi tiyasqa kasharqanku, rey ropasninkuwan pʼachallisqas. Paykunaqa tiyasqa kasharqanku Samaria llajtaman yaykuna punkupi, era* patapi. Tukuynin profetastaj paykunaj ñaupaqenkupi profetas jina parlasharqanku. 10 Chaypi Kenaanaj wawan Sedequiasqa fierro wajrasta ruwakuspa nerqa: “Jehová Diosqa nin: ‘Kay wajraswan qanqa siriosta wajraykuspa qʼalata wañurachinki’, nispa”. 11 Chay tukuynin profetaspis kikinta nishallarqankutaj: “Wichariy Ramot-Galaadman, allin risonqa. Jehová Diosqa reypa makinman Ramot-Galaadta jaywaykonqa”,+ nispa.
12 Micayata wajyamorqa chay runataj Micayata nerqa: “Qhawariy, tukuynin profetas nishanku reyta allin rinanta. Ama jina kaspa, qanpis chay profetas jina nillay ari reyta allin rinanta”,+ nispa. 13 Micayataj nerqa: “Kausaj Jehová Diospa sutinpi jurani: Imatachá Diosniy nenqa chayllata noqaqa parlasaj”,+ nispa. 14 Chantá Micayaqa reypaman rerqa, reytaj Micayata taporqa: “Micaya, ¿Ramot-Galaadwan maqanakoj wicharisqaykuchu?* ¿Manañachu risaj?”, nispa. Micayataj kuticherqapacha: “Rillay, atipanki. Paykunaqa makisniykichejman jaywaykusqa kanqanku”, nispa. 15 Reytaj Micayata nerqa: “¿Mashkha kutistataj jurachisqayki Jehová Diospa sutinpi cheqa kajtapuni willanawaykitari?”, nispa. 16 Micayataj nerqa: “Noqa rikushani tukuy israelitasta orqo puntastaña ayqekushajta mana michejniyoj ovejasta jina.+ Jehová Diosqa ninña: ‘Kaykunajtaqa manaña dueñonku kanchu. Sapa ujninku allillanta wasinkuman kutipuchunku’, nispa”.
17 Israelpa reynintaj Jehosafatta nerqa: “Nerqaykicharí, payqa ni jaykʼaj ninchu allin rinawantaqa, mana allin rinallawanta nin”,+ nispa.
18 Micayataj nerqa: “Kunanqa Jehová Diospa nisqanta uyariy. Noqaqa Jehová Diosta rikorqani kamachina tiyananpi tiyashajta,+ cielomanta tukuynin ejercitospis+ sayasharqanku paña ladonpi, lloqʼe ladonpipis.+ 19 Jehová Diostaj nerqa: ‘¿Pitaj Israelpa reynin Achabta chʼaukiyamunman* Ramot-Galaadman rinanpaj, chaypi wañunanpaj?’, nispa. Chaypi kajkunamanta ujnenqa ajinata ruwasunman nisharqa, ujnintaj kay jinata ruwasunman nisharqa. 20 Chantá ujnin angelqa*+ Jehová Diospa ñaupaqenman jamuspa nerqa: ‘Noqa chʼaukiyamusaj’, nispa. Jehová Diostaj taporqa: ‘¿Imaynatá chʼaukiyamunki?’, nispa. 21 Chay angeltaj kuticherqa: ‘Tukuynin profetasninta llulleriosta parlachimusaj’, nispa. Diostaj nerqa: ‘Rispa chʼaukiyamullay. Allinpuni risonqa. Chay nisqaykita ruwamullay’, nispa. 22 Chayrayku Jehová Diosqa saqen uj ángel kay profetasniykita llulleriosta parlachinanta.+ Jehová Diostaj ninña mana allin risunanta”, nispa.
23 Kenaanaj wawan Sedequiastaj+ Micayaman+ chimpaykuspa uyanpi laqʼarqa,+ nerqataj: “¿Jehová Diospa espiritonqa qanwan parlananpajchu noqataqa saqerpawasqa? ¿Mayqen ñantataj jamusorqari?”,+ nispa. 24 Micayataj kuticherqa: “Chaytaqa yachanki maypachachus ukhu cuartoman pakakoj chinkaykunki chaypacha”, nispa. 25 Israelpa reynintaj nerqa: “Micayata japʼispa jaywaykamuychej llajtamanta kamachej Amonman, reypa wawan Joasmanwan. 26 Paykunamanqa ninkichej: ‘Reyqa kayta nin: “Kay runata carcelman wisqʼaykuychej.+ Tʼantatapis yakutapis pisillata qonkichej, atipaytawan kutimunaykama”, nispa’”. 27 Micayataj nerqa: “Sichus atipaspa allillan kutimunki chayqa, sutʼi yachakonqa Jehová Diosqa mana noqawanchu parlasqanta”,+ nispa. Chantá Micayaqa nillarqataj: “Qankunapis tukuyniykichej chayta allinta yuyarikuychej”, nispa.
28 Ajinamanta Israelmanta reywan Judamanta rey Jehosafatwanqa Ramot-Galaadman+ rerqanku. 29 Israelpa reynintaj Jehosafatta nerqa: “Guerrapi maqanakunaypaj waj ropata churakusaj, qantaj rey ropallaykiwan riy”, nispa. Ajinata Israelpa reynenqa mana rejsinankupaj ropanta cambiakorqa, chantá paykunaqa maqanakuman yaykorqanku. 30 Siriamanta reytaj carretasninpata comandantesninta kamachisqa: “Ama ni piwan maqanakunkichejchu, ni soldadoswan ni capitaneswanpis, Israelpa reynillanwan maqanakunkichej”, nispa. 31 Carretaspa comandantesnintaj Jehosafatta rikuytawan nerqanku: “Jaqayqa Israelpa reynin”, nispa. Chayrayku kachaykukorqanku paywan maqanakoj. Jehosafattaj yanapata mañakuspa qhaparikorqa,+ Jehová Diostaj payta yanaparqa. Diosqa chay ratopacha chay comandantesta Jehosafatmanta karunchacherqa. 32 Carretaspa comandantesnenqa repararqanku mana Israelpa reyninchu kasqanta, chayrayku manaña qhatiykorqankuchu.
33 Ajinallapi uj runaqa wayrallaman flechaspa Israelpa reyninman japʼirpacherqa. Flechaqa fierro pecheranpa tinkuynin chayta payman satʼiykukusqa. Reytaj carretanta apaj runata nerqa: “Kutiriy, kay maqanakumanta* orqhoway, flechawan japʼirparichiwanku, wañusajsina”,+ nispa. 34 Maqanakoqa diantinpuni karqa, allin sinchʼipuni karqa. Israelpa reynintaqa tardeyaykunankama carretanpi sayashajta japʼerqanku sirios qhawarisqata. Inti chinkaykushajtintaj wañuporqa.+