1 TAPUY
¿Pitaj Diosri?
“Runasqa yachachunku sutiyki Jehová kasqanta.
Runasqa yachachunku, tukuy jallpʼantinpi qanlla Aswan Patapi kaj Dios kasqaykita”.
“Yachaychej Diosqa Jehová kasqanta. Paymin ruwawarqanchej, noqanchejtaj paypata kanchej. Llajtan kanchej, qʼomer pastosninpi michisqan ovejitasnin kanchej”.
“Noqa Jehová kani. Chaymin suteyqa. Jatun kayniytaqa mana pimanpis qonichu, nillataj yupaychasqa kanaytapis santosman qonichu”.
“Jehová Diospa sutinta tukuy oqharejkunaqa salvasqa kanqanku”.
“Sapa waseqa ruwajniyojpuni.
Tukuy imata ruwajtajrí Diospuni”.
“Cielota qhawariychej. ¿Pitaj chay imasta ruwan? Chay imasta ruwajqa soldadosta jina paykunata llojsichimun, ujmanta uj yupaspa. Sapa ujninkuta sutinmanta wajyan. Kallpanqa may jinapuni, atiyninpis manchay tʼukuna, chayrayku ni ujninkupis chinkanchu”.