Bibliamanta yachakuqkunata Reinomanta sumaq willaykunata willanankupaq yanapay
1 Mateo 28:19, 20 NM, nisqanqa kunan pʼunchayninchikkama juntʼakuchkallanpuni. Jesusqa discipulosninman kamachirqa, astawan discipulosta ruwanankuta, paykunataq chay kamachisqanta aswan qhipamanpis juntʼanallankupuni karqa. Paykuna ruwasqankuqa, kay qhipa pʼunchaykunapi juk cimientojina kanan karqa, chayjinamanta tukuy pachapi sumaq willaykuna yachachikunanpaq, chaytataq ñuqanchik kunan tiempo ruwachkanchik (Mat. 24:14).
2 Ñuqanchikwan Bibliamanta yachakuqkunaqa kankuman, wawasninchik, chayri wak runas yachakuyta munaqkuna ima. Ñuqanchikqa paykunata tukuy sunqu yanapayta munanchik, jinamanta paykunapis Jesucristopaq discipulosta ruwanankupaq (Luc. 6:40).
3 Willamunankupaq paykunata allinta wakichiy. Bibliamanta yachakuqkuna wakkunaman yachakusqankuta parlarinankupaq yanapana. Wak hermanostapis willaypi imayna allintachus risqanta willariy. Wawasniykita, juchʼuymantapacha atisqankumanjina runaman willanankupaq yachachiy (Sal. 148:12, 13). Parlasqaykiwan ruwasqaykiwan ima, Diosmanta runaman willayta may allinpaq qhawasqaykita rikuchiy (1 Tim. 1:12).
4 Jehová Diosqa paypa kamachisqanta kasukuqkunallata willanankupaq apaykachan. Manapis, musuq willaqkuna unay bautizasqa cristianosjina yachanankuta suyasunchu, chaywanpis paykunaqa Bibliamanta allinta yachananku tiyan, yachasqankutataq willayta yachananku tiyan (Organizados, págs. 79-82, qhawariy). ‘Jatun Babiloniamanta’, politicamanta ima lluqsipunanku tiyan, chantapis qutumanta tukuynin tantakuynaman rinanku tiyan (Apo. 18:2, 4; Juan 17:16; Heb. 10:24, 25).
5 Pitachus yachachichkanki, pay willayta atisqantaña rikuptiyki, superintendente presidente nisqawan parlariyta atiwaq. Chay hermanotaq iskay ancianosta ninqa qamwan yachachisqaykiwan ima tantakunankuta, jinamanta yachanankupaq, yachachisqayki sumaq willaykunamanta manaraq bautizasqa kachkaspa willaq kayta atinmanchus manachus. Chaymantataq, qam chay yachachisqaykita astawanraq yanapayta atinki paywan khuska willaq lluqsispa.