¿Pikunataq Diospa awqankunari?

Kuraq Supay Satanasqa Diospa kuraq kaq awqan. Payqa juk espíritu, Jehovaman sayayqurqa. Satanasqa Dioswan awqanakuchkallanpuni, runamanpis chʼampaykunata rikhurichichkallanpuni. Satanasqa saqra, llulla, runa wañuchiq ima (Juan 8:44).

Wak espiritukuna Satanasman kʼaskaykukurqanku, Diosman sayaykunankupaq. Bibliaqa supaykuna nispa sutichan. Kay supaykunaqa Kuraq Supay kikin, runakunap awqan kanku. Runataqa usuchiytapuni munanku (Mateo 9:32, 33; 12:22). Jehovaqa Satanasta supaykunantinta wiñaypaq chinkachinqa. Tumpamantawan mana runata usuchinqankuñachu (Apocalipsis 12:12).

Diospa masin kayta munaspaqa, Kuraq Supay munasqanta mana ruwanachu tiyan. Kuraq Supay supayninkunawan Jehovata chiqnikunku. Diospa awqankuna kanku, ñuqanchikpis Diospa awqankuna, kananchikta munanku. Chayrayku akllakunanchik tiyan, pitá kusichiyta munanchik: Satanastachu Jehovatachu. Wiñay wiñaypaq kawsakuyta munaspaqa, Diospa munayninta juntʼayta akllakunanchik tiyan. Satanasqa tukuy imaymanamanta runata chʼawkiyayta yachan, tukuy laya tuqllakunata pantanapaq churan. Jinamanta achkha runata chʼawkiyachkan (Apocalipsis 12:9).