Bibliaqa niwanchej runasqa pisi watasllata kausasqanchejta, manchaytataj ñakʼarisqanchejta (Job 14:1). ¿Jehová Dios ajinata kausakunanchejtachu munarqa? Mana. ¿Imatá Diosninchej runaspaj munarqa? ¿Diosninchej imatachus runaspaj munasqan juntʼakonqapunichu? Chay tapuykunaman Biblia kutichiwasun.

1. ¿Imaynata kausakunanchejpajtaj Dios ruwawarqanchej?

Jehová Diosqa Adantawan Evatawan kusisqa kausakunankupaj ruwarqa. Chayrayku paykunata uj kʼachitu huertaman churarqa. “Diosqa paykunata bendecispa nerqa: ‘Miraychej, ashkhayaychejtaj. Jallpʼantinman juntʼaykuychej, tarpuychejtaj’”, nispa (Génesis 1:28). Chaywan nisharqa Adanwan Evawan wawasniyoj kanankuta, jallpʼantinta uj kʼachitu paraisoman tukuchinankuta, animalestapis cuidanankuta. Chantapis Jehovaqa munarqa sanitos, kusisqastaj wiñaypaj kausakunanchejta.

Jinapis, ¿imaraykutaj mana ajinatachu kausakushanchej?a Chanta, ¿imatachus Dios runaspaj munasqan juntʼakonqapunichu? Arí, juntʼakonqapuni (Isaías 46:10, 11). Diosqa munan payta kasukojkuna mana onqospa wiñaypaj kay jallpʼapi kausakunankuta (Apocalipsis 21:3, 4 leey).

2. ¿Imatá ruwasunman kay tiempopi kusisqa kausakunapaj?

Llakiykuna, problemas kajtinpis kusisqa kausakunapajqa, Jehová Diosta yupaychananchej tiyan. Payta yupaychaspaqa yachasun imapajchus kausasqanchejta. Bibliapi niwanchej: “Kusisqa kanku Diosta necesitasqankuta reparakojkunaqa”, nispa (Mateo 5:3-6 leey). Jehová Diosqa munan payman qayllaykunanchejta, ‘ñanninta purinanchejta, payta munakunanchejta, tukuy sonqotaj sirvinanchejtaʼ (Deuteronomio 10:12; Salmo 25:14).

3. Diosqa kusisqa kausakunata munan

VIDEOTA qhawariychej, chantá yachakojta tapuriy:

VIDEO: ¿Imapajtaj Dios jallpʼata ruwarqa? (uj chhikan) (1:41)

• ¿Imapajtaj Jehová Diosninchej kay jallpʼata ruwasqa?

Eclesiastés 3:11 leeriychej, chantá yachakojta tapuriy:

• ¿Imatataj Jehová Dios runaspaj munasqa?

4. Jehová imatachus runaspaj munasqanqa juntʼakonqapuni

Salmo 37:11, 29; Isaías 55:11 leeriychej, chantá yachakojta tapuriy:

• ¿Imaynapí yachanchej Jehová Dios imatachus runaspaj munasqan juntʼakunantapuni?

5. Jehovata sirveyqa kusichiwanchej

VIDEO: Kusiy kausayta tarerqani (5:03)

• Terumi sutiyoj señorata, ¿Jehová Diosta rejsisqan kusichisqachu?

Eclesiastés 12:13 leeriychej, chantá yachakojta tapuriy:

• Jehová Dios tukuy imata ruwapuwasqanchejrayku, ¿imatataj agradecekunapaj ruwananchej kasqa?

¿IMASTÁ YACHAKUNCHEJ?

Kaypi yachakunchej Jehová Diosqa wiñaypaj kay jallpʼapi kausakunata munasqanta. Yachakullanchejtaj kunanña Jehovata tukuy sonqo sirvispaqa kusisqa kausakunata.

Yuyarikunapaj

• Adantawan Evatawan ruwashaspa, ¿imaynata kausakunankutataj Dios munarqa?

• ¿Jehová imatachus runaspaj munasqan juntʼakonqapunichu?

• ¿Imatá ruwasunman kunanña kusisqa kausakunapaj?

ASTAWAN YACHAKUNAYKIPAJ

¿Edén huerta karqapunichu? Chayta yachanaykipaj kayta leeriy.

“Edén huerta ¿juk cuentollachu?” (Torremanta Qhawaj, 1 de abril de 2011)

¿Kay jallpʼanchej chinkachisqachu kanqa chayri manachu? Chayta yachanaykipaj kayta leeriy.

“¿Jallpʼa thuñisqachu kanqa?” (Chaytaqa Internetpi jw.org nisqapi tarinki)

¿Bibliapi willawanchejchu imapajchus Jehová Dios ruwawasqanchejta? Chayta yachanaykipaj kayta leeriy.

“¿Imapajtaj kausanchej?” (Chaytaqa Internetpi jw.org nisqapi tarinki)

¿Imaraykutaj uj runa tukuy imayoj kaspapis mana kusisqachu karqa? Chayta yachanaykipaj kay videota qhawariy.

Kunanqa kusisqa kausakuni (3:55)

2. ¿Pikunataj Jesuswan khuska kamachimonqanku?

Jesusqa mana sapallanchu kamachimonqa, manaqa 144.000 runaswan khuska. Chay runasqa kanku “tukuy ayllusmanta, tukuy parlaykunamanta, tukuy laya runasmanta, tukuy nacionesmantawan” (Apocalipsis 5:9, 10). Jesús kay jallpʼapi kashajtin, ashkha runas Jesusmanta yachakorqanku, cristianosmantaj tukorqanku. Jinapis 144.000 runaslla cieloman ripunku Jesuswan khuska kamachimunankupaj (Apocalipsis 14:1-4 leey). Chantá tukuy cristianos kay jallpʼapi kausakonqanku Diospa Gobiernonpa kamachiyninpi (Salmo 37:29).

Diospa Gobiernonqa kamachishanña. Pisimantawantaj allin imasta kay jallpʼapi ruwanqa. Kaypi yachakusun allin imasta Diospa Gobiernon ruwananta, imajtinchus chayta yachay kusichiwasqanchejtapis.

1. ¿Imatá Diospa Gobiernon ruwanqa allin kausay, justicia ima kananpaj?

Jesusqa Diospa Gobiernonmanta Rey jina Armagedón maqanakupi chinkachenqa sajra runasta, gobiernostapis (Apocalipsis 16:14, 16). Chaypachaqa Bibliaj nisqan juntʼakonqa. Biblia nin: “Uj chhikamantawanqa niña sajra runas kanqankuñachu”, nispa (Salmo 37:10). Diospa Gobiernon kamachimonqa chaypachaqa jallpʼantinpi allin kausay kanqa, justicia ima (Isaías 11:4 leey).

2. ¿Diospa munaynin kay jallpʼapi ruwakojtin imaynataj kausay kanqa?

Diospa Gobiernon kamachimushajtin kausayqa may sumaj kanqa. “Cheqan runasqa kay jallpʼata herenciata jina japʼenqanku, kay jallpʼapitaj wiñaypaj kausakonqanku” (Salmo 37:29). Chaypachaqa runas kʼachas kanqanku, Jehovata munakonqanku, purajmantataj munanakonqanku. Chantapis ni pi onqonqachu, niñataj wañonqachu.

3. ¿Diospa Gobiernon imatataj ruwanqa sajra runasta chinkachiytawan?

Jesusqa sajra runasta chinkachiytawan waranqa watasta kamachenqa. Paywan khuskataj 144.000 runas kamachimonqanku. Tukuyninkutaj runasta yanapanqanku pisimanta pisi mana juchayojman tukunankupaj. Chay waranqa wataspi jallpʼanchejqa uj kʼachitu paraisoman tukonqa. Runaspis Jehovaj leyesninta kasukusqankurayku kusisqas kausakonqanku. Chay qhepatataj Jesusqa Tatan Jehovaman Gobiernota jaywaponqa. Chaypacha ‘Diospa sutenqa ni jaykʼaj jina jatunchasqa kanqa’ (Mateo 6:9, 10). Chantapis sutʼi yachakonqa Jehová sumaj kamachej kasqan, kamachiyninpi kajkunamanta llakikusqan ima. Jehovaqa chinkachenqa Satanasta, demoniosta, kamachiyninpa contranpi oqharikojkunatapis (Apocalipsis 20:7-10). Diospa Gobiernonpa ruwasqanqa wiñaypaj kanqa.

ASTAWAN YACHAKUNA

4. Diospa Gobiernonqa gobiernosta chinkachenqa

“Runaqa tukuy tiempo runa masinta chakisnin uraman churan, chaytaj runallata ñakʼarichin” (Eclesiastés 8:9). Chayrayku Jehová Diosqa Gobiernonnejta tukuy imata allinchanqa.

Daniel 2:44; 2 Tesalonicenses 1:6-8 leeriychej, chantá yachakojta tapuriy:

• ¿Imatataj Jehovawan Jesuswan ruwanqanku kay jallpʼamanta gobiernoswan, chay gobiernos ladomanta kajkunawan ima?

• Jehovamanta, Jesusmanta yachakusqaykiman jina, ¿creenkichu paykuna ni mayqenman kutikuspa cheqan kajtapuni ruwanankuta?

5. Jesusqa uj sumaj Rey

Jesusqa Diospa Gobiernonpi Rey kaspa, kay jallpʼapi tukuy runaspaj allin imasta ruwanqa. Jesusqa runasta yanapayta munan, yanapananpajtaj atiyniyoj. VIDEOTA qhawariychej.

VIDEO: Jesusqa gobernamushaspa ashkha allin imasta ruwanqa (1:13)

Jesús kay jallpʼapi kashaspa imastachus ruwasqanqa, Diospa Gobiernonpi kashaspa imatachus ruwananta rikuchin. ¿Jesuspa ima ruwasqasnintaj juntʼakunanta munawaj? Chaypaj qhepan cuadromanta tukuynin versiculosta leeriychej.

6. Diospa Gobiernon kamachimushajtin allin kausay kanqa

VIDEO: Ima bendicionestachus qhepaman japʼinanchejpi yuyana (4:38)

Salmo 145:16 leeriychej, chantá yachakojta tapuriy:

• Jehová Diosninchej tukuy runasman ‘munasqankuta qonanta’ yachay, ¿kusichiwanchejchu, ima niwajtaj?

¿IMASTÁ YACHAKUNCHEJ?

Kaypi yachakunchej Diospa Gobiernon jallpʼata uj paraisoman tukuchinanta, chaypitaj Jehovata yupaychajkunalla wiñaypaj kausakunankuta.

Yuyarikunapaj

• ¿Imatá Diospa Gobiernon ruwanqa Diospa sutinta jatunchananpaj?

• ¿Imaraykú mana iskayrayanchejchu Diospa Gobiernon Bibliaj nisqasninta juntʼananmanta?

• ¿Diospa Gobiernon imastataj ruwanqa? ¿Mayqentaj juntʼakunallantaña munawaj?

ASTAWAN YACHAKUNAYKIPAJ

¿Imataj Armagedón kanman? Chayta yachanaykipaj kayta leeriy.

“¿Imataj Armagedón?” (Chaytaqa Internetpi jw.org nisqapi tarinki)

¿Imastaj kanqa Jesús “manchay ñakʼariy” kananmanta parlarqa chay tiempopi? (Mateo 24:21). Chayta yachanaykipaj kayta leeriy.

“¿Imataj manchay ñakʼariy tiempo?” (Chaytaqa Internetpi jw.org nisqapi tarinki)

Familia jina Diospa Gobiernon imastachus ruwananpi piensarinaykipaj kay videota qhawariy.

Paraisopi piensariy (1:50)

Uj politicota imachus yanapasqanta yachanaykipaj, “Ashkha tapuykuna kapuwarqa” nisqata leeriy.

“Bibliaqa cambianankupaj yanaparqa” (La Atalaya, 1 de enero de 2012)