Diosqa masin kanaykita munan

Diosqa masin kanaykita munan. Qam, tukuy quyllurkunamanta may sumaq Runapta masin kayta atiwaq ¿yacharqankichu? Abrahán, pichus ñawpaqpi kawsarqa, Diospa masin utaq kawsaqin sutichachikurqa (Santiago 2:23). Bibliaqa riman wak qharikuna warmikuna ima Dioswan sumaqta masichakusqankumanta, jatuchaq tʼinkakunata japʼisqankumantapis. Kunan pʼunchaw, achkha runa tukuy kay pachamanta chayanku Diospa masin kayman, qampis Diospa masin kayta atiwaq.

Dioswan masichakuyqa astawan sumaq mayqin runawan masichakuymantapis. Mana jaykʼaq Diosqa kʼaskasqa masinkunata janquchanchu (Salmo 18:25). Diospa masin kayqa aswan sumaq ima qhapaqyaymantapis. Qhapaq wañuptin wak runa qullqinwan qhipakun; Dioswan sumaqta masichakuqkunaqa, qullqita waqaychachkankumanjina, chayta mana pipis qhichuyta atinqachu (Mateo 6:19).

Ichapis wakinkuna Diospa yachachisqanta mana munanqankuchu yachakunaykita. Wakin masiykikuna utaq aylluykikuna mana munanqankuchu yachakunaykita (Mateo 10:36, 37). Pillapis qammanta asikuptin utaq kamaykusuptinku, tapurikuy: “¿Pimantaq kusichiyta munani, runamanchu Diosmanchu?”. Tʼukuy kaypi: mana mikhunaykita nisuptinku, ¿kasukuwaqchu? Mana ichari. Kawsanapaqqa mikhuna tiyan. Ajinallataq, Diosqa wiñay kawsayta quyta munasunki. Chayrayku, Dioswan masichakuy, astawan paymanta yachakuspa, mana pipis jarkʼasunankuta saqiychu (Juan 17:3).