Semanapi tantakuy waj jinamanta ruwakonqa

Septiembre killamantapacha, Bibliamanta Yachaqanapaj tantakoyqa, 30 minutospi ruwakonqa, manaña 25 minutospichu. Qallarinapajqa, yachachej ñaupaj semanapi imatachus yachakusqanchejta yuyarinapaj uj minutota parlarenqa. Willayta Yachanapaj Tantakuypis 30 minutospi ruwakonqa, manaña 35 minutospichu. Chantá Reinomanta Willayninchej hojitapi manaña “Willaykuna” nisqa rikhurenqachu. Kunanmanta qhepaman, Willayta Yachanapaj Tantakuy qallarisqantawan, ima willaykunachus willakuna tiyan chayllaña willakonqa. Wakin kutisllaña willaykuna kanqa, imaraykuchus chay tantakuypi imastachus yachakunata manaña nikonqachu. Chantá maymantachus, ima horachus willayman llojsinapaj tantakuy kananta, tantakunapaj wasita llimphuchanata, napaykunata ima manaña willakonqachu (km 10/08 pág. 1 párr. 4). Wakin willaykuna ashkha kajtenqa, chay tantakuypi umallirichejkunata aswan pisi minutosllapi umallirichinankuta ñaupajmanta willakonqa.