¿Imatá yachakusunman unaytaña Diospa llajtanpi kaj cristianosmanta?

Congregacionesninchejpeqa ashkha hermanos unaytaña Jehová Diosta yupaychashanku. Paykuna Jehová Diospi atienekusqankumanta mayta yachakusunman. Jehová Diospa llajtan imaynatachus ñauparisqanmanta tapurisunman, chantapis ima llakiykunapichus rikukusqankuta, imaynatatajchus Jehová Diospa yanapayninwan atipasqankuta. Paykunataqa invitasunman familiapi Diosta yupaychanapaj chʼisiman experienciasninkuta willarinawanchejpaj.

Qan ashkha watastaña Jehová Diosta sirvishanki chayqa, experienciasniykita jovenesman willariwaj. Jacobpis Josepis familiankumanta jóvenes kajkunaman, imastachus paykunarayku Jehová Dios ruwasqanta willarerqanku (Gé 48:21, 22; 50:24, 25). Aswan qhepamantaj Jehová Diosqa tatasta kamacherqa wawasninkuman willanankuta imastachus Jehová Dios ruwasqanmanta (Dt 4:9, 10; Sl 78:4-7). Kay tiempopi tataspis, waj hermanospis congregacionmanta jovenesman willarinkuman imastañachus Jehová Dios llajtanpi ruwasqanmanta.

QHATIYKACHASQA KASPAPIS UJCHASQA KARQAYKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatataj Austria sucursal waj suyusmanta hermanosta yanaparqanku mana predicajta, nitaj Diosta yupaychajta saqejtinku?

• ¿Imatataj chay suyusmanta hermanos ruwarqanku creeyninku sinchʼillapuni kananpaj?

• ¿Imaraykutaj ashkha hermanos Rumaniapi Jehovaj llajtanmanta karunchakorqanku, chanta imatá ruwarqanku kutinpunankupaj?

• ¿Imaynatá kay video creeyninchejta kallpachan?