Noviembre killapi Diospa Gobiernonmanta willamusunchej

Jesusqa “Diospa Gobiernonmanta sumaj willaykunata” willarqa, runasmantaj yachacherqa chay Gobiernota mañakunankuta (Lu 4:43; Mt 6:9, 10). Noviembre killapi tukuy kallpachakusun Diospa Gobiernonmanta runasman willamunapaj (Mt 24:14). Chay killapi astawan willanapaj tiempocharikushasunmanña. Chay killapi precursores auxiliares kajkunaqa 30 chayri 50 horasta ruwayta atenqanku.

Diospa Gobiernonmanta parlaj versiculosta runaspaj leeripunaykipaj kallpachakuy. Uj versiculota ajllashaspaqa, congregacionniyki predican chaynejpi imaspichus runas creesqankupi piensariy. Pillapis ñaupaj kutipi parlarejtiyki astawan yachakuyta munan chayqa, 2 kaj Torremanta Qhawaj revistata 2020 watamanta saqey. Chantá chay runata visitaj kutiypacha. Chaymantataj Bibliamanta yachachinapaj ujnin publicacionwan yachachiyta qallariy. Tumpamantawanqa Diospa Gobiernonqa payman churanakoj gobiernosta chinkachenqa (Da 2:44; 1Co 15:24, 25). Chayrayku tukuy atisqanchejta kallpachakuna noviembre killapi willamunapaj, ajinamanta rikuchinapaj Jehová Diosman, Gobiernonmantaj sayasqa kasqanchejta.