REVISITASTA RUWAY
LECCIÓN 9
Wajkunata entiendey
Bibliaj yuyaychasqan: “Kusikojkunawan kusikuychej, waqajkunawantaj waqaychej” (Rom. 12:15).
Jesuspa ruwasqan
1. VIDEOTA qhawariy chayri Marcos 6:30-34 leeriy. Chantá kay tapuykunapi tʼukuriy:
¿Imaraykutaj Jesuswan apostolesninwan “chʼinnejman rerqanku”?
¿Imaraykutaj Jesús ashkha runasman yachacherqa?
¿Imatá Jesusmanta yachakunchej?
2. Wajkunata entiendenapaj kallpachakuspaqa, paykunapi piensarinchej, manataj paykunaman Diosmanta willayllapichu.
Jesús jina ruway
3. Sumajta uyariy. Revisitayki parlarikunanta saqellay, ama pantachiychu. Sichus imamantapis tapusunki, chayri imaynachus kashasqanta willasunki, manachayri uj llakiyninta willarisunki chayqa, ama mana uyarejman tukuychu. Payta sumajta uyarejtiykeqa pay sutʼita reparanqa imatachus piensasqanta jatunpaj qhawasqaykita.
4. Revisitaykipi piensariy. Imasmantachus parlasqaykichejta ama qonqaychu, kaytataj tapurikuy:
“¿Imaraykutaj Diosmanta yachakunan allin?”.
“¿Imaynatá Bibliamanta yachakuy kunanña yanapanman, chanta imaynatá aswan qhepamanpis yanapanman?”.
5. Revisitaykita yanapananpaj jina videoswan publicacioneswan yanapachikuy. Qallariymantapacha rikuchiy imaynatachus Bibliata estudiay tapuykunasninman kutichinanta, waj jinasmantapis yanapananta.