PARLAYTA QALLARIY
LECCIÓN 4
Kʼumuykukoj sonqo kay
Bibliaj yuyaychasqan: “Kʼumuykukoj sonqo kaspa, wajkunata qankunamanta aswan kurajta jina qhawaychej” (Fili. 2:3).
Pabloj ruwasqan
1. VIDEOTA qhawariy chayri Hechos 26:2, 3 leeriy. Chantá kay tapuykunapi tʼukuriy:
¿Imaynatá Pablo parlasqanwan kʼumuykukoj sonqo kasqanta rikucherqa?
¿Imatataj Pablo nerqa Jehovata jatunchananpaj, Palabrantapis jatunpaj qhawachinanpaj? (Hechos 26:22 qhawariy).
¿Imatá Pablomanta yachakunchej?
2. Runasqa willasqanchejta uyariyta munallankuman, paykunata jatunpaj qhawaspa, kʼumuykukoj sonqowantaj parlajtinchej.
Pablo jina ruway
3. Respetowan parlay. Pimanchus willashanki chay runata ama yuyachiychu qan tukuy imata yachasqaykita, paytaj ni imata yachasqanta.
4. Sutʼita reparachiy Bibliamantapuni yachachishasqaykita. Bibliaj nisqanqa runaspa sonqonkuman chayan. Willashaspa Bibliamanta leerinchej chayqa, uyariwanchej chay runasta creeyniyoj kanankupaj yanapanchej.
5. Kʼachapuni kay. Ama nisqaykitapuni valechiychu. Noqanchejqa mana runaswan chʼajwaytachu maskʼanchej. Kʼumuykukoj sonqo kayqa mana phiñakunaykipaj yanapasonqa, ima ratochus ripunaykitapis tanteanaykipaj (Pro. 17:14; Tito 3:2). Sichus kʼachallamanta kutichinki chayqa, ichapis chay runaqa waj kutipi noqanchejwan parlariyta munallanqa.