¿Imaraykú Jehovaj testigosnin cruzta mana apaykachankuchu?

Ashkha runaspajqa, cristianos cruztapuni apaykachananku kasqanta ninku. Jehovaj testigosnin cristianos kaspapis, mana cruzta apaykachaykuchu, nitaj yupaychaykuchu. ¿Imaraykú?

Imaraykuchus Biblia nisqanman jina, Jesusqa mana cruzpichu wañorqa manachayqa uj kurkupi nisunman uj kʼaspipi. Chantapis kayta cristianosman kamachin: “Ayqekuychej lantista yupaychanamanta”, nispa. Cruzta apaykachaspataj uj lantitapis yupaychashasunman jina kanman (1 Corintios 10:14; 1 Juan 5:21).

Chantapis, Jesús yachacherqa imaynatachus cheqa cristianosta rejsinankuta. Pay nerqa: “Qankunachus munanakunkichej chayqa, tukuy runas yachanqanku yachachisqasniy kasqaykichejta”, nispa (Juan 13:34, 35). Arí, cheqa cristianosta cheqamanta runa masinkuta munakuspa rejsichikunanku tiyan, nitaj cruzta apaykachaspachu ni waj lantitapis yupaychaspachu.