¿Imatataj yachakunchej Jatun Para kasqanmanta?

Diosqa sajra runasta chinkacherqa. Noeta, familiantawantaj salvarqa (Génesis 7:11, 12, 23)

Tawa chunka pʼunchayta, tawa chunka tutatawan maytapuni pararqa. Yakoqa tukuy jallpʼata pʼampaykorqa, tukuy sajra runastaj wañorqanku.

Mana kasukoj angelesqa, aycha cuerponkuta saqerqanku. Chantá chay angelesqa supaykunaman tukorqanku.

Arcapi kajkunalla salvakorqanku. Chantá aswan qhepaman Noepis, familianpis wañuporqanku. Diostajrí paykunata kausarichimonqa wiñaypaj kausakunankupaj.

Diosqa tumpamantawan sajra runasta chinkachillanqataj, kʼacha runastataj salvanqa (Mateo 24:37-39)

Satanaswan supaykunawanqa runasta engañashallankupuni Diosta mana kasukunankupaj.

Kunanpis Noej tiemponpi jina ashkha runas Jehová Diosta mana kasukunkuchu. Chayrayku Diosqa tumpamantawan tukuy sajra runasta chinkachenqa (2 Pedro 2:5, 6).

Ashkha runasqa Noé jina kanku, Diostataj kasukushanku. Chay runasqa Jehovaj testigosnin kanku.