PILAWANPIS PARLAR GALAYCUSHUN
YACHACUY 1
Munashganpita parlarcushun
Biblia cayno tantiachicun: “Kuyakuq karqa […] manami munashqalantsita rurananpaq obligantsitsu” (1 Cor. 13:4, 5).
¿Imatataj Jesús rurargan?
1. Ricänapaj caycan juc VIDEO o Juan 4:6-9 textutapis leiriy. Nircur yachacuy cay tapucuycunapita:
Chay warmiwan manaraj parlar, ¿imatataj Jesús ricashgana cargan?
Chay warmita Jesusga “yacuta mañacushayqui” nergan, chayno parlayta Jesús galaycushganga, ¿imanirtaj ali cashga?
¿Imatataj yachacunchi Jesús rurashganpita?
2. Piwanpis parlanapaj caycarga, alimi canga ima ruraycashganpita parlar galaycuptinchi o chay hora ima laquesalapapis pasaycashganpita.
Jesús rurashganno rurashun
3. Imapitapis parlanapaj listo caycäshun. Yarpashganchi cajlapita parlayta munarga quiquilanchimanmi yarpaycashwan; aliga canga wasiyoj cajcuna ima munashganpita parlar galaycuptinchi. Chaypäga cayno tapucushwan:
“¿Ima noticiacunatataj radiuncho wiyaycan?”.
“¿Imapitataj masga parlayta munapäcun vecinuläcuna o aroj masëcunapis?”.
4. Imatapis ricarcushunraj. Cayno tapucushwan:
“¿Imatataj chay wasiyoj ruraycan? ¿Imalapis laquichiycanchuraj?”.
“Wasincunata o imano visticushgantapis ricarga, cuentata gocushwannami maypita cashgantapis, ¿au?”.
“¿Parlapashwanchuraj ruraynincuna achca caycaptenga?”.
5. Ali wiyaj runa cashwan.
Noganchilaga parlar cacushwanchu.
Imalatapis nircuy wasiyojcuna parlacaramunanpaj.