PILAWANPIS PARLAR GALAYCUSHUN
YACHACUY 6
Valurcharcushun
Biblia cayno tantiachicun: “Diosnintsimi yanapamashqa ali wilakuyninta mana mantsakuypa wilakärinäpaq” (1 Tes. 2:2).
¿Imatataj Jesús rurargan?
1. Ricänapaj caycan juc VIDEO o Lucas 19:1-7 textutapis leiriy. Nircur yachacuy cay tapucuycunapita:
¿Imanir-raj waquin runacunaga Zaqueuwan juntacaylatapis munapäcurganchu?
¿Pero Jesusga imanir-raj payta parlapar galaycurgan?
¿Imatataj yachacunchi Jesús rurashganpita?
2. Valurcharcunanchirämi pï maytapis Diospita yachachinapaj.
Jesús rurashganno rurashun
3. Jehovaman yäracushun. Diospa espiritunwanmi ali valurcharcur Jesús predicargan, noganchitapis chay espiritumi yanapämäshun (Mat. 10:19, 20; Luc. 4:18). Jehovata ruwacushun calpata jorgurcur mana manchacuylapa pï runacunatapis yachachinapaj (Hech. 4:29).
4. Imano runa captinpis parlapäshunla. Öraga runacunapita jucnopa yarpar galaycushwanchi ‘imapätaj paytaga parlapäshun, gaprayashgana, wiyanpischu, religiunninpis jucmi caycan’ nir. Pero cayta ama gongashunchu:
Pï runacunapapis shonguncho ima caycashgantaga Jehovawan Jesuslami musyan.
Jehovaga laquipaycunmi lapan runacunata, maycho o imano cawacuptinpis.
5. Valiente carpis pitapis ofendishwanchu (Mat. 10:16). Piwanpis shimi shimi charinacushwanchu. Wasiyoj runa imalatapis parlayta mana munaptenga, respetulawan ‘aywalä’ nishun (Prov. 17:14).