Ali claro parlapashwan

¿Imatataj Jesús rurargan?

VIDEO: Jesús ali wilaparcun autoridäyoj mozo runata

1. Ricänapaj caycan juc VIDEO o Marcos 10:17-22 textutapis leiriy. Nircur yachacuy cay tapucuycunapita:

1. ¿Imano runa cashgantaraj Jesús yarpargan chay mozupita?

2. ¿Imanirtaj chay runata cuyapaptinpis, ali claro, mana manchacuylapa Jesús parlapargan?

¿Imatataj yachacunchi Jesús rurashganpita?

2. Bibliapita yachacuycajcuna cambiucunata rurar Diosta sirvir galaycunanpäga cuyapaylapa parlapänanchi, jina ali claro nishwan imalachopis mejorananpaj captenga.

Jesús rurashganno rurashun

3. Imalachopis masla calpachacunanpaj yanapäshun.

1. Alichi canman caypita parlapaptinchi “Cayta ruranayqui”, chayga yurimun Cushishgala imaypis cawanapaj librunchicho.

2. Estudiantinchicunata wilarcushun Diosta cushichinanraycur imacunata rurar galaycunanpaj o tiempuwanpis bautizacuyta munaptenga imacunataraj rurananpaj cajta.

3. Calpachacuycashganta ricarga ‘alimi ruraycanqui’ nishun.

4. Yarpachacushun guepaman cutiyta munaptenga imano yanapänapaj.

1. Cayno tapucushwan:

   • “¿Imalapis michaycanchu bautizacunanpaj?”.

   • “¿Imataraj ruräman yanapänäpaj?”.

2. Jehovata mañacushun ali valurcharcur estudiantinchicunata ninapaj ‘caymi pishiycäshunqui, caychomi mejoranayqui’ nir.

5. Ima captinraj ‘manana yachachishayquinachu’ nishwan.

1. Pilatapis manana yachachinapaj caycaptenga, caytaraj tapucunanchi:

   • “¿Bibliapita yachacuycashgannonachu cawaycan?”.

   • “¿Reuniunman aywaycanchu y pilatapis parlapaycanchu Bibliapita?”.

   • “¿Jehovapa testigunman ticrayta munaycanchuraj?”.

2. ¿Ima cambiulatapis cawaynincho mana ruraycaptenga?:

   • Wilarcushwan quiquin cuentata gocunanpaj imacunacho mejorananpaj.

   • Respetulawan nishun imanir paywan manana estudianapaj.

   • Nircur ali claro nishun ima cambiucunataraj ruranman tiempuwan yapay estudianapaj.