5-11 AGOSTUPITA

BIBLIAPA SHUMAJ YACHACHICUYNIN

1. Diospa poderninpita “kanan witsan runakunata” wilapay

(10 min.)

David jovinla caycaptin ricarganmi Jehová imapitapis chapashganta (Sl 71:5; w99-S 1/9 18 párr. 17).

David auquinna caycaptinpis Jehová mana jaguishgantami ricargan (Sl 71:9; g04-S 8/10 23 párr. 3).

Davidga Diosta sirvir imacunapa pasashganta jovincunata wilapargan shacyächinanpaj (Sl 71:17, 18; w14-S 15/1 23 párrs. 4, 5).

Pasaj semanacho “Imapita yachacunapaj familianchiwan Diosta adurashganchi horacho” yurimoj juc familiapa fotun.

TAPUCURIY: “Familiäwan Diosta adurashgä horacho, ¿achca watapa Diosta sirvej maygan hermanutataj invitäman tapupänäpaj?”.

2. Shumaj yachachicuyta ashishun

(10 min.)

Sl 72:8. Jehová Abrahanta aunishgan Génesis 15:18 textucho, ¿imanotaj cumplicashga Salomón mandashgan wichancho? (it-1 883).

Respuesta
¿Ima shumaj yachachicuytataj tarishcanqui cay semana Bibliata leishgayquicho?

Respuesta

3. Bibliata leinanchipaj

(4 min.) Sl 71:1-24 (th 5 caj yachacuy)

ALI YACHACHICOJ CASHUN

4. Pilawanpis parlar galaycushun

(3 min.) WASIN WASIN AYWAR. Wasiyoj runa rimanacuyta munaptenga, ali shimilapa parlacuyta ushariy (lmd 4 caj yachacuy, 5 caj punto).

5. Yapay cutishun

(4 min.) MAY CHAYCHO CAYCARPIS. Maygalan familiayqui Biblia nishganta yachacuyta dudaptinpis yapay parlaparcuy (lmd 8 caj yachacuy, 4 caj punto).

6. Imaman creishganchita tantiachicushun

(5 min.) Naupacho yachachicoj. ijwfq-S 49. Tema: ¿Imanirtaj Jehovapa testiguncunaga waquin creenciancunata cambiashga? (th 17 caj yachacuy).

ALI CAWANAPAJ

7. Imapita yachacunapaj familianchiwan Diosta adurashganchi horacho

(15 min.) Wiyaycajcunapis parlacurinman.

Cay familiaga Diospa Gobiernunpita juc canciunta ichishgala cantarcaycan.

Cay familia JW Broadcasting programata ricarcaycan.

Jucnin caj warmi wamran mamänin tapucushganta contestaycan juc actuaciuncho.

Familianchiwan Diosta adurashganchi horaga yanapanmi wamracuna Jehovapita yachacunanpaj y pay munashganno cawapäcunanpaj (Ef 6:4). Diospita más yachacunapäga calpachacunanchirämi, chayno captinpis wamracuna Jehovapita chayraj yachacuycaptenga alapa sasaga canmanchu (Jn 6:27; 1Pe 2:2). Taytacunaga “Imapita yachacunapaj familianchiwan Diosta adurashganchi horacho” nej recuadruta ricärinman imano familianwan cushi cushila yachacärinanpaj. Recuadrupita yachacur caycunata tapupay:

¿Maygantataj rurayta munanquiman?

Respuesta
¿Imatataj familiayquiwan más rurashgayqui Diosta aduranapaj horacho?

Respuesta

IMAPITA YACHACUNAPAJ FAMILIANCHIWAN DIOSTA ADURASHGANCHI HORACHO

BIBLIAPITA

Reuniunpa acrashga Bibliapa capituluncunapa audiunta wiyarcunquiman o cada unuyqui waquin versiculucunatapis leircunquiman. Y jucnin jucnin Bibliacho parlamoj runacunapita vozninta churanman.
Reuniunpaj acrashga Bibliapa capituluncunapita tapucuycunata ruray. Cada uno juc tapucuyta acraycur masraj yachacunman. Nircur yachacushganpita waquincunata wilapanman.
Familiayqui imalapapis pasaycaptenga, ashiy Textos bíblicos para la vida cristiana nejcho y yachacäriy ima textucunata yanapanman.
Biblia wilacushganpita actuaciunta ruray.
Cada semana juc tarjetata ruray y juc textuta Cuyashpanchimi yachachicunchi nej folletupita, yapacämushga A cajpita, jorgunquiman chaycho escribinayquipaj y umachicurcunayquipaj. Nircur pasaj semanacunacho tarjetacho ima escribishgayquitapis ricapärinquiman.
Cushishgala imaypis cawanapaj librupita juc ishcay parrafupitapis yachacärinquiman.
Juc familiayquita niriy yachacushganta wilacaramunanpaj “Bibliapita ima tapucärishgan” nejpita, “BIBLIAPA YACHACHICUYNINCUNA” jw.org paginapita.

REUNIUNCUNAPAJ

Semanacho juc reuniunpaj ichiclatapis preparacärinquiman.
Reuniuncho comentanayquipaj cajtapis practicapäcuy. Comentariuyqui ichicla cananpaj aseguracuy.
Reuniunpaj canciuncunatapis cantapäcuy.
Yarpay reuniuncho imalatapis nishgayquiwan pilatapis shacyarcachinayquipaj y practicarcuy imano ninayquipaj.
Maygalayquipis reuniuncho juc actuaciunta ruranayquipaj captenga, familiayquipa naupancho practicanquiman.

PREDICACIUNPAJ

Wasin wasin imano predicanayquipaj preparacäriy.
Wasiyojman yapay cutinayquipäga, imapita yachachinayquipaj preparacäriy.
Yarpachacuy imanotaj maycho caycarpis runacunawan Bibliapita parlayta galaycunquiman y chaypita preparacäriy.
Familiayquiwan parlapacäriy Conmemoración o vacación wichancho imataj rurapäcunquiman más predicanayquipaj.

FAMILIANCHI IMA NECESITASHGANPITA

Yarpachacäriy imacunapataj pasanquiman y imataj ruranquiman chaycunapa pasarga. Chayga canman, política asuntupita tapupäshuptiqui, pilapis pengachishuptiqui o manchachishuptiqui, pilawanpis cacunayquipaj nishuptiqui o ima costumbricunapita tapupäshuptiqui.
Juc actuaciunta rurar wamracuna taytancunaman ticranman y taytacunana wamracunaman ticranman. Chauraga wamra cajcuna imalapitapis yachacurcur taytan cajcunata yarpachacächinman.

MASPIS CAYCANMI RURANAPAJ

JW Broadcasting^® programata ricarcur imapita yachacärishgayquipita parlapacäriy.
Juc yachacuyta o juc videuta jw.org paginacho ricapäcuy y chaypita parlapacäriy.
“Mozuyaycajcunapaj y mozuna cajcunapaj” o “Wamracuna”, “BIBLIAPA YACHACHICUYNINCUNA” jw.org paginapita, juc yachachicuyta acrarcur yachacärinquiman.
Juc asambleacho anotapäcushgayquipita yachacäriy.
Jehová camashgancunapita maygalantapis shumaj ricaparcur yarpachacäriy imata Jehovapita yachachishunquiman.
Puedicaptenga juc hermanuta invitanquiman cawaynincho Jehová imano yanapashganpita tapupänayquipaj.
Yarpachacäriy imata Jehovapaj más ruranquiman y imanotaj chayta logranquiman.
Alichi canman familiayquiwan dibujucunata o mascunatapis rurapäcuptiqui.

VIDEUTA ricachiy Familiayquiwan adurashgayqui horaga cushicuypaj canman. Nircur tapucamuy:

Wamracuna wasicho manana tiyaptenga, ¿runa caj imata ruranman warmin cushi cushila ricacunanpaj Diosta adurashgan horacho?

Respuesta

8. Bibliapita juc libruwan yachacunapaj

(30 min.) bt 13 cajta yachacushun, párrs. 17-24.