¿Ima nintaj Biblia judiucunata y Jehovapa testiguncunata wanuchishganpita?

2023 wata 27 enero quilla, achca runacunami celebrapäcunga Día Internacional en Memoria del Holocausto nishgan. Unay 75 watana pasashgancho chaychica runacuna wanuchishga cashganta yarparga, tapucunquichi: ¿imanirtaj chaytaga Dios permitiycurgan?

•  Biblia ima nishganta musyanayquipaj cay yachachicuyta leiriy “¿Por qué sucedió el Holocausto judío? ¿Por qué Dios no lo impidió?”.

Chaychica judiucunatami nacachipäcurgan y wanuchipäcurgan. Chay wichan waquin runacunatapis chiquishganraycur wanuchipäcurganmi. Chay grupucho Jehovapa testiguncunapis caycargan y Bibliapita yachacushganno cawacäriptinla paycunata nacachergan.

•  Maslata musyanayquipaj cay yachachicuyta leiriy “¿Qué les ocurrió a los testigos de Jehová durante el Holocausto?”.

Ali cawapäcunanchipämi Diosga munan

Achca runacunami yarpachacärin unay judiucuna wanuchishga cashganno yapay pasananpaj. Biblia aunicushganman yarparga cushichimanchimi y chayno nacachicuyga manami yapay pasanganachu.

•  “Musyämi imano kanaykipaq kashqantapis. Manami mana ali kawapäkunaykitatsu munä, sinöqa ali kawapäkunaykitami. Tsawraqa lakikärinaykipa trukanqa kushikäriy. Noqa TAYTA DIOSMI [Jehová] tsayno nï” (Jeremías 29:11, Tayta Diospa Wilakuynin, TDW).a

Chayga canga shamoj tiempucho Jehová lapan nacaycunata ushacächiptin y problemacunata alchacächiptinmi. Ichiclacho caycunatami Diosga ruramunga:

•  Yaga runacunata ushacächinga (Proverbios 2:22).

•  Unay nacaycunapa pasashga cajcuna jaucala cawar chaycunata manami yarpanganachu (Apocalipsis 21:4).

•  Wanushga cajcunata cawarachimunga cay Pachacho (Juan 5:28, 29).

Bibliapa chay shumaj aunicuyman yäracunquimanmi. Chaypita masraj musyayta munaptiquega noganchiwan Bibliapita yachacunquimanmi.