Guerrapaj armamentuncunacho 2 billón dolarespitapis masraj gastarcaycan | ¿Imataj Bibliaga nin?

2022 watacho guerrapaj armamentuncunacho unaypitapis masrämi gastacargan (2,24 billones de dólares), chayga cargan Rusia Ucraniawan guerraman yaycuptin. 2023 abril quillacho, SIPRI nishgan (Instituto Internacional de Estudios para la Paz de Estocolmo) caycunata wilacamurgan, 2022 watacho ima pasashganpita:

• Europachoga 13 por ciento masraj guellayta gastargan. Guerra Fría cashganpita chaynoga manami gastacarganchu cargan.

• “Rusiana armamentuncunacho 9,2 por ciento gastargan”, chaynopa entero munducho chaycunaman más gastashgancunapita Rusia quimsa caj naciunmi caycan.

• Ichanga Estados Unidusga waquin naciuncunapitapis masraj chaycunaman gastan.

“Cay último watacunacho guerrapaj armamentuncunacho runacuna imaycata gastashganga ricächimanchi cay mundo pasaypa mana aliman ticraycashganta”, chayno nin Nan Tian, paypis SIPRI nishgan wilacushgancho yanapacurgan.

Bibliaga maynami wilacurgan canan wichan munayniyoj naciuncuna chiquinacunanpaj, jina nimanchipis imata rurashwan jaucala cawacuyta munar.

Juc nación juc naciunwan chiquinacunan cargan

• Canan wichan cawacuycashganchita Bibliaga nin el tiempo del fin cashganta (Daniel 8:19).

• Daniel librucho wilacun cay ushanan tiempucho munayniyoj naciuncuna chiquinacunanpaj. Paycunaga peliapäcunan cargan pï más munayniyoj cananpaj. Y imayca armamentuncuna charananpäga imayca guellaytaraj o “riquëzancunata” gastanan cargan (Daniel 11:40, 42, 43).

Bibliacho cay profeciapita wilacushganta musyayta munarga, cay videuta ricäriy Daniel 11 caj capítulo cumplicushgan.

Imaytaj jaucala o tranquilula cawacushun

• Bibliaga wilacun runacunapa gobiernuncunata Diospa gobiernun trucachinanpaj. “Tsay reykuna mandaykänan witsan jana patsacho kaykaq kikin Tayta Diosmi mandayta qalaykunqa. Pay mandaykashqanqa manami imaypis ushakanqatsu ni paytaqa manami pipis vincinqatsu. Tsaynöpis paymi imayyaqpis mandaq kar wakin mandaqkunata ushakätsinqa” (Daniel 2:44).

• Ichiclacho Jehováa Diospa Gobiernunlacho ali cawacushun, runacunaga chayta rurayta camäpacunchu. Chaypäga Diosninchi Gobiernunwan imayca armacunata y chiquinacuytapis ushacächenga (Salmo 46:8, 9).

Diospa Gobiernun imata ruramunanpaj cajcunata musyanayquipaj, “El Reino de Dios traerá ‘paz en abundancia’” nej yachacuyta ricäriy.