YAPAY CUTISHUN
YACHACUY 7
Cutiytaga gongashunchu
Biblia cayno tantiachicun: “Wasincunachöpis waran waran willacushpan yachachej” (Hech. 5:42).
¿Imatataj Pablo rurargan?
1. Ricänapaj caycan juc VIDEO o Hechos 19:8-10 textutapis leiriy. Nircur yachacuy cay tapucuycunapita:
Mana chasquicoj runacunawan tincushga carpis, ¿imanirtaj ninchi Pabluga ali shongu runacunaman yapay cutishganta?
¿Yarpashgan horarächuraj ali shongu runacunaman Pablo cutej, jina ayca tiemputaj chay marcacho quedacurgan?
¿Imatataj yachacunchi Pablo rurashganpita?
2. Pimanpis yapay cutinapäga y Bibliapita juc publicaciunwan yachachir galaycunapäga calpachacunanchirämi.
Pablo rurashganno rurashun
3. Imay hora cutinapäpis listo caycashwan. Tapucushun: “¿Imay hora cutinäpätaj tiempöta camacaycächë? ¿Pero wasiyojga imay horataj munan cutinäpaj? ¿Maycho tincunanchitataj munan?”. Listo caycashwan yapay cutinapaj, chay hora jamapänapaj tiempunchita raquishga captinchipis.
4. Tapurcushun imay junaj yapay cutinapaj. Parlayta usharcurga tapunanchirämi imay junaj imay hora yapay cutinapaj. ‘Cutimunqui’ niptenga, mana gongaylapa cutishun.
5. Tarinanchicama jinala aywaycäshun. Ama nishunchu ‘chaylaraj parlashganchitapis gongaycushganachi chay runa; quevä wasinchopis caycanga arunanpaj achca caycaptenga’ nir (1 Cor. 13:4, 7). Cutinapaj captenga mana yamacaylapa cutiycäshunla chay ali shongu runacunaman (1 Cor. 9:26).