ALI CAWANAPAJ
Jehovapa yanapacuyninwan ima pruebatapis aguantashunmi
Lapanchi sasa pruebacunapa pasanchi, masraj cay ushanan junajcunacho. Chayraycur öraga capaz calpaynaj ricacur, aguantayta mana puedishwannachu. Ichanga Jehovapa yanapacuyninwanga sasa pruebacunatapis aguantayta puedishunmi (Is 43:2, 4). Sasa pruebacunapa pasaycaptiquega, ¿imaraj yanapäshunqui Jehovaman guelicamunayquipaj?
Mañacuy. Jehovata wilapaptinchi ima pasaycämashganchita, yanapämäshun jaucala ricacunapaj y calpatapis gomäshun aguantanapaj (Flp 4:6, 7; 1Te 5:17).
Reuniuncuna. Unaypitapis canan masraj necesitanchi Diospita yachacunapaj y reuniuncunacho hermanunchicunawan shacyächinacunapaj (Heb 10:24, 25). Shumaj prepararcur reuniuncunaman aywaptinchi y comentariucunatapis ruraptinchega, Jehová espiritunwan yanapämänanchitami jaguiycanchi (Ap 2:29).
Diospita yachachicuy. Cada cadala imanopapis predicaciunman yarguptinchega, ali cajcunaman yarparaycashwan. Jina Jehovawan y hermanunchicunawanpis arur amistäninchi masraj sinchiyächenga (1Co 3:5-10).
CAY VIDEUTA RICÄRIY: JEHOVÁ MANAMI JAGUISHUNQUICHU. NIRCUR CAY TAPUCUYCUNAPITA PARLACAMUY:
¿Imataj Malu rurargan Jehovaman guelicamunanpaj?
Maluta yanapashganno, ¿imanotaj Salmo 34:18 shacyächimanchi?
Malu pasashganga, ¿imanotaj ricächimanchi Jehová listo caycashganta poderninwan yanapämänanchipaj pruebacunapa pasaptinchi? (2Co 4:7).