Lapan shongunchiwan Bibliapita yachacushun

Bibliapita yachacuptinchi Dios nishgancuna shongunchiman chayananpaj munanchimi. Esdras rurashganman yarparcushwan, payga “lapan shonqunwanmi TAYTA DIOSPA leyninkunata” yachacurgan (Esd. 7:10). ¿Imanotaj payno gampis ruranquiman?

Diosta mañacuy. Bibliata manaraj estudiar Jehovata mañacuy yachacushgayquita shumaj tantiaycur cumplinayquipaj (Sal. 119:18, 34).

Humilde cacuy. Yachaj tucojcunataga Jehová Palabranta manami tantiachicunchu (Luc. 10:21). ‘Gammi yachaj’ nishunayquilapäga ama yachacuychu. Imalachopis mejoranayquipaj cuentata gocurga cambiucunata ruray.

Jehová Diospa marcanpita jorgamushga canciuncunata wiyay. Chay canciuncunata wiyaptinchega, shongunchiman chayananpämi caycan. Manaraj Bibliapita yachacur juc canciunta wiyaptinchi Jehovamanmi yarpächimäshun nishgancunata cäsucunapaj.