RI UBʼIʼ RI UWACH RI WUJ
¿La awetaʼm jas qas ubʼanik ri Halloween y la utz kqabʼano?
Pa taq ri tinamit Estados Unidos y Canadá kkibʼan ri nimaqʼij riʼ pa ri 31 re octubre. Pero ri costumbres kbʼan pa ri Halloween kjunamataj rukʼ ri kbʼan pa jujun taq nimaqʼij pa nikʼaj chi tinamit. Weneʼ pa nikʼaj chi tinamit jun chik ubʼiʼ kbʼix che, pero xa junam ri costumbre kbʼanik rumal che kchʼaw chkij ri espíritus, ri kaminaqibʼ, ri hadas, ri brujas, ri Diablo y ri demonios (chawilaʼ ri recuadro «Ri e nimaqʼij kejunamataj rukʼ ri Halloween»).
WENEʼ katkojon ta at chkij ri espíritus. Y weneʼ kachomaj che ri Halloween are jun etzʼanem katkunik kabʼan rukʼ ri a familia y rech ri awalkʼwal kkibʼan imaginar kʼi jastaq. Pero e jujun kkichomaj che utz taj kbʼan wajun nimaqʼij riʼ. ¿Jasche?
Jun enciclopedia ri kchʼaw chrij ri costumbres kbʼan pa Estados Unidos kubʼij: «Kbʼan ri Halloween rech kojkowinik kojtzijon kukʼ ri espíritus. Rumal che e kʼi chke ri espíritus riʼ kkibʼan kʼax chke ri winaq y kekixibʼij» (chawilaʼ ri recuadro «Ri xmajtaj wi lo ri Halloween»). Xaq junam kbʼan pa nikʼaj chi nimaqʼij, rumal che kʼo ubʼanik rukʼ ri qastzij taj kojonem y kkiya kiqʼij ri katiʼt kimam. Kamik ri winaq pa ronojel ri uwach Ulew kkikoj wajun nimaqʼij riʼ rech ketzijon kukʼ ri espíritus che kkijaluj kibʼ che e kaminaqibʼ.
Paneʼ ri nimaqʼij re ri Halloween xaq xiw pa Estados Unidos y Canadá kbʼan wi, pero pa nikʼaj chi tinamit tajin kmaj ubʼanik wajun nimaqʼij. Y e kʼi winaq kkichʼobʼ taj jas kraj kubʼij ri símbolos, ri costumbres y ri adornos kkoj pa ri nimaqʼij, juntir wariʼ kʼo ubʼanik kukʼ ri espíritus o ri demonios (chawilaʼ ri recuadro «¿Jawiʼ xpe wi?»).
Ri e kʼo pa ri kojonem ubʼiʼ Wicca, ri kkibʼan brujería y ritos celtas, kkibʼij na Samhain (ri ojer ubʼiʼ) che ri Halloween y are laʼ ri nimaqʼij más nim ubʼanik chkiwach pa ri junabʼ. Pa ri wuj USA Today jun bruja xubʼij wariʼ: «[Ri cristianos] ketaʼm taj che xa qanimaqʼij oj kkibʼano […] y sibʼalaj utz kqilo».
Ri Biblia kubʼij che utz taj kbʼan ri Halloween. Rumal che kuya ubʼixik wariʼ: «Kʼo jun chiwe […] mutijoj ribʼ che ubʼanik chʼobʼonik, masubʼun che ubʼixik ri kʼa majaʼ kkʼulmatajik, mawi mujach ribʼ che ubʼanik itzinik, mawi masubʼunik, mawi mutaʼ unoʼj chke ri chʼobʼonelabʼ, mawi chke ri kekisikʼij taq uxlabʼalibʼ [espíritus], mawi chke ri kaminaqibʼ» (Deuteronomio 18:10, 11; xuqujeʼ chawilaʼ Levítico 19:31; Gálatas 5:19-21).
Rajawaxik taj kbʼan xabʼibʼal taq nimaqʼij rech kkikot jun familia
¿Jas kachomaj, la rajawaxik kawetaʼmaj jas ubʼanik ri Halloween y ri nikʼaj chi nimaqʼij ri kjunamataj rukʼ? We kabʼan más investigar, weneʼ kachʼobʼo jasche kkibʼan ta wajun nimaqʼij e kʼi winaq.
«[Ri cristianos] ketaʼm taj che xa qanimaqʼij oj kkibʼano […] y sibʼalaj utz kqilo». (Xchaʼ jun bruja pa ri wuj USA Today)