Kʼutbʼal rech ukojik ri e wuj

Umajixik jun etaʼmanik pa ri nabʼe sábado re septiembre

«¿La utz awach? Tajin keqasolij ri winaq rech kqaya jun wuj chike che kchʼaw chirij ri uriqik kikotemal pa kikʼulanem. ¿Jas kachomaj? ¿Jasche e kʼi kʼulaj kʼo ta kikotemal chkixoʼl?» Chiʼ ubʼim chi kuchomaj ri winaq, chakʼutuʼ ri kʼisbʼal uxaq La Atalaya 1 rech septiembre. Chawilaʼ rukʼ ri winaq ronojel ri tzʼibʼatal chuxeʼ ri nabʼe pregunta xuqujeʼ pa neʼ xa jun texto chasikʼij uwach. Chataʼ che we kraj kusikʼij uwach ri wuj, xuqujeʼ chabʼij che, che kattzalij chi jumul rech kiwil ri jun chi pregunta.

La Atalaya 1 rech septiembre

«E kʼi winaq kkichomaj: ¿jasche ri Dios resam ta ri kʼax? ¿La achomam chirij wariʼ? [Chata ri kubʼij ri winaq.] Sibʼalaj utz retaʼmaxik ri kubʼij ri Utzij ri Dios che kopan na jun qʼij che kʼo ta chi kʼaxkʼolil, [chasikʼij uwach Apocalipsis 21:4]. Wajun wuj riʼ kchʼaw chirij jobʼ jastaq che kukʼut ri rumal che kʼo kʼax. Xuqujeʼ kubʼij ri kubʼan ri Dios che resaxik.»

¡Despertad! Septiembre

«Tajin kojtzijon chirij jun nimaqʼij che kbʼan pa kʼi tinamit che kbʼix Halloween che. Pa neʼ waral pa ri tinamit kbʼan ta wajun nimaqʼij riʼ tekʼuriʼ kʼo jun nimaqʼij che kbʼanik che xaq junam petinaq wi rukʼ ri Halloween. Are ri nimaqʼij rech kiqʼij ri kaminaqibʼ. ¿Jas kachomaj? ¿La utz che kqabʼan oj wajun nimaqʼij riʼ? [Chata ri kubʼij ri winaq.] Chawilaʼ ri pixabʼ kʼo pa ri Utzij ri Dios [chasikʼij uwach Deuteronomio 18:10, 11]. Wajun wuj riʼ kubʼij jachiʼ xmajtaj wi kʼi chike ri nimaqʼij che kʼo ubʼanik kukʼ ri kaminaqibʼ.»