Bʼantajik 46

Ri täq tapya rech Jericó

¿SUCHE tijan ktzaq lo wa täq tapya rech Jericó? Pachaʼ xbʼantajik jun nimalaj chʼoj, tekʼuriʼ je täj. ¡Wariʼ jun chik etal rech Jehová! Chqilampeʼ su xbʼantajik.

Chatampeʼ ri xubʼij Jehová che Josué: ‹At xuqujeʼ ri ajchʼojinel chixbʼin chirij ri tinamit. Chisutij jumul (o jyak) pa jun qʼij pa waqibʼ qʼij. Chikʼamaʼ bʼi ri koxon rech ri pacto. Rajawaxik wuqubʼ ajkojol tabʼal toqʼobʼ kebʼe chuwäch ri koxon rech kkexutʼuj ri ukʼaʼ chij›.

‹Pa ri uwuq qʼij chixbʼin chirij ri tinamit wuqubʼ mul. Tekʼuriʼ ko chexutʼuj ri ukʼaʼ chij, xuqujeʼ iwonojel chiraqaʼ ichiʼ (nim kixuwynik). ¡Tekʼuriʼ ketzaq na lo ri tapya!›

Josué xuqujeʼ ri tinamit xkebʼan ronojel ri xubʼij Jehová chike. Chiʼ tijan kebʼinik, konojel kechʼaw täj. Xiw ktaʼtajik ri chʼabʼal rech ukʼa chij xuqujeʼ ri kaqan ri tijan kebʼinik. Ri kikʼulel e kʼo pa Jericó sibʼalaj xkexibʼij kibʼ. Chawilampeʼ ri käq kolobʼ kʼo che ri ventana. ¿Jachin ajchaqʼe wajun ventana? Jeʼ, Are Rahab xubʼan ri xkibʼij ri kebʼ achijabʼ che. Ronojel ri ufamilia e kʼo pa rachoch keyem ri chʼoj.

Kʼisbʼal re, pa ri uwuq qʼij, chiʼ xkekʼis ri uwuq bʼinik chirij ri tinamit, xkexutʼuj ri ukʼa chij, xkeraq kichiʼ ri ajchʼoj, tekʼuriʼ xetzaq lo täq tapya. Josué xubʼij wariʼ: ‹Chikamsaj ri winaq xuqujeʼ chikʼatsaj ri tinamit rukʼ ronojel kʼo chilaʼ, xiw ri saq pwäq, ri qʼan pwäq, ri chʼichʼ xuqujeʼ ri cobre kʼot kibʼan che, wariʼ chikʼama bʼi pa ri tabernáculo›.

Josué xubʼij wariʼ chike ri kebʼ achijabʼ: ‹Chiwesaj ri Rahab xuqujeʼ ronojel ri ufamilia pa rachoch›. Konojel wariʼ kʼot xbʼan chike, jelaʼ xketzujuj ri kebʼ achijabʼ che xkila ri tinamit.

Josué 6:1-25.