¿Jas kqabʼan che retaʼmaxik kiwach ri qastzij cristianos?

Sibʼalaj kʼi winaq kkibʼij che e cristianos, are kʼu man junam ta ri kikojonik y ri kichomanik. Rumal laʼ, ¿jas kqabʼan che retaʼmaxik kiwach ri qastzij taq cristianos?

1. ¿Jas ubʼanik riʼ jun qastzij cristiano?

Ri cristianos are utijoxelabʼ ri Jesucristo (chasikʼij Hechos 11:26). ¿Jas kkibʼan che ukʼutik che utijoxelabʼ ri Jesús? Ri Jesús xubʼij: «We kixjeqiʼ pa ri nutzij, qas ix nutijoxelabʼ riʼ» (Juan 8:31). Wariʼ kraj kubʼij che ri qastzij taq cristianos rajawaxik kkinimaj ri xukʼut kan ri Jesús. Y pa ri Biblia kkesaj wi ri kkibʼij, junam rukʼ ri Jesús che xukoj ri uTzij ri Dios (chasikʼij Lucas 24:27).

2. ¿Jas kkibʼan ri qastzij cristianos che ukʼutik loqʼoqʼebʼal?

Ri Jesús xubʼij chke ri utijoxelabʼ: «Chiloqʼoqʼelaʼ iwibʼ jachaʼ ri in ix nuloqʼoqʼem» (Juan 15:12). ¿Jas xubʼan ri Jesús che ukʼutik che xeʼuloqʼoqʼej ri utijoxelabʼ? Ri areʼ xuya ri utiempo, xuya kichuqʼabʼ, xeʼutoʼo y xuya ri ukʼaslemal rumal kech (1 Juan 3:16). Junam rukʼ ri Jesús, ri e qastzij cristianos man xaq xiw ta kechʼaw chrij ri loqʼoqʼebʼal; xaneʼ xuqujeʼ kkikʼut rukʼ ri kkibʼano y ri kitzij.

3. ¿Jas chak kkibʼan ri qastzij cristianos che sibʼalaj nim ubʼanik?

Ri Jesús xuya kan jun kichak ri utijoxelabʼ, xeʼutaq bʼi che utzijoxik ri uQʼatbʼal tzij ri Dios (Lucas 9:2). Ri qastzij cristianos xaq xiw ta xkitzijoj ri utzij ri Dios pa ri lugar che kkiya wi uqʼij ri Dios, xaneʼ xebʼe che ubʼixik chke konojel ri winaq cho taq kachoch y pa jalajoj taq lugar (chasikʼij Hechos 5:42; 17:17). Kimik ri qastzij cristianos xuqujeʼ kkitzijoj ri utzij ri Dios chke konojel ri winaq pa jalajoj taq lugar. Kkiya ri kitiempo y ri kichuqʼabʼ che utzijoxik ri utzalaj taq tzij che kʼo pa ri Biblia rumal che kekiloqʼoqʼej konojel ri winaq (Marcos 12:31).

CHANIMARISAJ RI AWETAʼMANIK

4. Kkitzukuj ri qastzij che kʼo pa ri la Biblia

Konojel ta ri winaq che kkibʼij che e cristianos kkikoj ri kubʼij ri Biblia. Chiwilaʼ ri VIDEO y chixtzijon chrij wariʼ:

VIDEO: ¿Jasche xsach kiwach ri cristianos? (5:11)

• ¿Jas xkibʼan ri Iglesias rech xkikʼut ta ri qastzij chrij ri Jesús chke ri winaq?

Jesús xukʼut ri qastzij che kʼo pa ri uTzij ri Dios. Chisikʼij Juan 18:37 y chixtzijon chrij wariʼ:

• Junam rukʼ ri xubʼij ri Jesús, ¿jas kqabʼan che retaʼmaxik kiwach ri cristianos che kkiqʼalajisaj ri qastzij?

5. Kkiya ubʼixik ri qastzij che kʼo pa ri Biblia

Are chiʼ ri Jesús majaʼ kbʼe pa ri kaj, xuya kan jun chak chke ri utijoxelabʼ, che tajin na kbʼan kimik. Chisikʼij Mateo 28:19, 20 y Hechos 1:8 y chixtzijon chrij wariʼ:

• ¿Jampaʼ kkʼis utzijoxik ri utzij ri Dios? Y, ¿kʼa jawchiʼ rajawaxik kyaʼ wi ubʼixik?

6. Rukʼ ri kkibʼano kkikʼutu che e qastzij cristianos

¿Jasche jun achi ubʼiʼ Tom qas retaʼm che xuriq ri qastzij kojonem? Chiwilaʼ ri VIDEO y chixtzijon chrij wariʼ:

VIDEO: Utz ta xwil ri kkibʼan ri nikʼaj chi kojonem (5:20)

• Junam rukʼ ri xqil pa ri video, ¿jasche Tom utz ta xril ri xkikʼut nikʼaj chi kojonem?

• ¿Jasche qas retaʼm che xuriq ri qastzij kojonem?

Ri kqabʼij kilitaj rukʼ ri kqabʼano. Chisikʼij Mateo 7:21 y chixtzijon chrij wariʼ:

• ¿Jas más nim ubʼanik chuwach ri Jesús: che kqabʼij che kojkojon che, o che kqakʼut rukʼ ri kqabʼano?

7. Kkiloqʼoqʼej kibʼ

Chqilampeʼ che ri qastzij taq cristianos kkiya ri kikʼaslemal pa kʼax kumal ri kachalal pa ri kikojonik. Chiwilaʼ ri VIDEO y chixtzijon chrij wariʼ:

VIDEO: Xraj xuya ri ukʼaslemal (2:55)

• ¿Jasche ri qachalal Lloyd xuya ri ukʼaslemal pa kʼax rumal ri qachalal Johansson?

• ¿Jas kachomaj at, la xukʼutu che are qastzij cristiano?

• ¿Jas kkibʼan ri qastzij cristianos che kilik ri winaq che junam ta kitinamit o kibʼanik kukʼ?

• ¿Y jas kkibʼan che ukʼutik loqʼoqʼebʼal are chiʼ kʼo chʼoj?

RI XQETAʼMAJ

Ri qastzij taq cristianos kkinimaj ri kubʼij ri Biblia, kkiya ri kikʼaslemal pa kʼax kumal nikʼaj chik y kkitzijoj ri qastzij che kubʼij ri Biblia.

¿La knaʼtaj chawe?

• ¿Jawchiʼ kkesaj wi ri kikʼutunik ri qastzij cristianos?

• ¿Jas bʼantajik kukʼutu che jun winaq are jun qastzij cristiano?

• ¿Y jas chak kkibʼano?

CHAWILAʼ CHI NIKʼAJ

Chawetaʼmaj kiwach jun jupuq winaq che kkikoj kichuqʼabʼ che ubʼanik ri xukʼut kan ri Jesús.

¿Oj jachin ri testigos rech Jehová? (1:13)

Chawilampeʼ ri xubʼan jun monja «che uriqik jun qastzij familia».

«Xkitzalij uwach ronojel ri nupreguntas rukʼ ri Biblia» (La Atalaya, 1 re abril 2014)

Chawilampeʼ ri kkibʼan ri qastzij cristianos che ukʼutik loqʼoqʼebʼal chke ri kachalal are chiʼ kajwataj tobʼanik chke.

Keqatoʼ ri qachalal are chiʼ kkiriq kʼax (uchʼaqapil) (3:57)

Ri Jesús xubʼij kanoq jas ri kibʼantajik ri utijoxelabʼ. Chawilaʼ che ri nabʼe taq cristianos kejunamataj kukʼ ri qastzij cristianos kimik.

«¿Jas kqabʼan che retaʼmaxik kiwach ri qastzij cristianos?» (La Atalaya, 1 re marzo 2012)