Chqabʼanaʼ qachʼawem pa kiwiʼ ri kbʼan kʼax chke rumal ri kikojonik

Pa ri Biblia xbʼix kanoq che Satanás kubʼan kʼax chqe rech kojuqʼatej che utzijoxik ri utzij ri Dios (Jn 15:20; Apoc 12:17). ¿La kʼo kojkunik kqabʼan che kitoʼik ri qachalal che tajin kkiriq kʼax? Kʼolik, kojkunik kqabʼan chʼawem pa kiwiʼ. Ri Biblia kubʼij che ri uchʼawem ri sukʼ kʼo nim uchuqʼabʼ (Snt 5:16).

¿Jas kqataʼ pa ri e chʼawem riʼ? Kqataʼ che ri Jehová che kuya kichuqʼabʼ ri qachalal xuqujeʼ keʼutoʼ rech kkixibʼij ta kibʼ (Isa 41:10-13). Xuqujeʼ kqabʼan qachʼawem rech ri qʼatal taq tzij kkiya bʼe chqe kqatzijoj utzij ri Dios, «rukʼ jun kʼaslemal ri qas utz kilik» (1Ti 2:1, 2).

Are chiʼ Pablo xuqujeʼ Pedro xbʼan kʼax chke rumal ri kikojonik, ri cristianos xkibʼan kichʼawem pa kiwiʼ xuqujeʼ xkikoj ri kibʼiʼ (Hch 12:5; Ro 15:30, 31). Ri oj, pa neʼ qetaʼm ta ri kibʼiʼ konojel ri qachalal che tajin kkiriq kʼax, kojkunik kqabʼij ri congregación, ri tinamit o ri región che e kʼo wi.

Chatzʼibʼaj ri e tinamit jachiʼ e kʼo wi qachalal che kkiriq kʼax che kawaj kabʼan achʼawem pa kiwiʼ.