QAKʼASLEMAL RI OJ CRISTIANOS

Paneʼ kbʼan kʼax chke are kʼu kekikotik

Ri oj cristianos qetaʼm che kbʼan kʼax chqe (Jn 15:20). Sibʼalaj kojbʼisonik y kqariq kʼax are chiʼ itzel kojkil ri winaq, are kʼu we kojux sukʼ amaqʼel kojkikotik (Mt 5:10-12; 1Pe 2:19, 20).

ARE CHIʼ AWILOM CHI RI VIDEO KOJKUNIK KOJKIKOTIK PANEʼ KOJTERENEʼX RUKʼ ITZELAL, CHATZALIJ KIWACH RI PREGUNTAS RIʼ:

¿Jas kubʼan ri ukʼutbʼal ri qachalal Bayénov che ukʼutik chqawach che nim ubʼanik kqabʼan we e jastaq riʼ?

Kqasikʼij ri Biblia ronojel taq qʼij.
Kʼo ri kitobʼanik ri e qachalal qukʼ.a
Kqabʼan qachʼawem.
Kqabʼixoj ri e bʼixonem.
Kojchʼaw chrij ri Dios kukʼ nikʼaj chik.

a Utz che kqabʼan qachʼawem pa kiwiʼ ri e qachalal che e kʼo pa cárcel, xuqujeʼ utz che kqabʼij ri kibʼiʼ. Are kʼu ri sucursales kekun taj kkitaq bʼi ri cartas che kkibʼan ri publicadores chke ri e qachalal che e kʼo pa cárcel.