QAKʼASLEMAL RI OJ CRISTIANOS

«Ri ulew xujaq ri uchiʼ xubʼiqʼ ri nimaʼ»

Ri e junabʼ che qʼaxinaq, ri qʼatal taq tzij kʼi mul kitoʼm ri utinamit ri Jehová (Esd 6:1-12; Est 8:10-13). Xuqujeʼ kimik qilom che «ri ulew» —kraj kubʼij ri organizaciones o Tribunales re wajun uwach Ulew riʼ— kibʼiqʼom bʼi «ri nimaʼ» che are ri e kʼax uyaʼom ri dragón, Satanás, che ri utinamit ri Dios (Ap 12:16). Jehová, ri «Dios ri kakolonik», kʼi mul e ukojom ri qʼatal taq tzij rech kukol ri utinamit (Sl 68:20; Pr 21:1).

Are kʼu, ¿la at kʼo pa cárcel rumal ri akojonik? Kubʼan ta kebʼ akʼuʼx, ri Jehová tajin katuchajij (Gé 39:21-23; Sl 105:17-20). Chakubʼsaj akʼuʼx che rumal ri akojonik kariq na kʼi tewchibʼal xuqujeʼ ri asukʼilal che kakʼutu keʼutoʼ konojel ri e qachalal (Flp 1:12-14; Ap 2:10).

ARE CHIʼ AWILOM CHI RI VIDEO RI E QACHALAL COREANOS XEʼEL LO PA CÁRCEL, CHATZALIJ UWACH RI E PREGUNTAS RIʼ:

¿Jasche kʼi taq junabʼ xetzʼapix pa cárcel e kʼi qachalal re Corea del Sur?
¿Jas xkichaʼ ubʼanik ri qʼatal taq tzij che xeʼutoʼ ri e qachalal rech xetzoqopixik paneʼ majaʼ kkʼis ri tiempo che qʼatom chkij?
¿Jas kqabʼan che kitoʼik ri e qachalal re ronojel uwach Ulew che e kʼo pa cárcel rumal ri kikojonik?
¿Jas kojkunik kqabʼan kimik rumal che oj tzʼapil ta pa cárcel?
¿Jachin rajawaxik kyaʼ uqʼij are chiʼ kchʼak ri qʼatoj tzij pa ri qʼatbʼal tzij?

Jun cárcel re Corea jachiʼ xetzʼapix ri testigos rech Jehová. Cartas che xkitaq bʼi jujun testigos rech Jehová pa ri sucursal re Corea che xuqujeʼ xtaq bʼi chke ri e qachalal che e kʼo pa cárcel. Jun tat xuqujeʼ ri ralkʼwal kkimatzej kibʼ rumal che xkiriq chi jumul kibʼ — ¿Jas tajin kinbʼano rech utz kinbʼan che ukojik ri nutiempo rumal che in tzʼapil ta pa cárcel?