¿Jasche ri política kujach kiwach ri winaq? | ¿Jas kubʼij ri Biblia chrij wariʼ?

Ri política tajin kujach kiwach ri winaq pa ronojel ri uwach Ulew. Jun encuesta re Pew Research Center re ri 2022 kubʼij che «ri 65% chke ri winaq pa 19 tinamit kechʼojinik rumal che junam ta partido político e kʼo wi».

¿La kechʼojin ri winaq rumal ri política pa ri lugar che katel wi at? ¿Jasche je waʼ kkibʼano? ¿La ksukʼumataj na wariʼ? Chawilaʼ ri kubʼij ri Biblia.

Ri e bʼantajik che kujach kiwach ri winaq

Ri Biblia kubʼij che «pa ri kʼisbʼal taq qʼijol» kekʼojiʼ na kʼi winaq che junam ta ri kichomanik, rumal laʼ kkaj ta kibʼ.

• «Pa ri kʼisbʼal taq qʼijol, kepe na kʼaxalaj taq qʼij. Kekʼojiʼ na winaq ri […] man kʼo ta loqʼoqʼebʼal kikʼuʼx, man e kuyunelabʼ taj» (2 Timoteo 3:1-3).

Paneʼ e kʼi winaq kkitoʼ kiwiʼ ri e qʼatal taq tzij, are kʼu e kunaq ta che usukʼumaxik ri kʼax. Ri e winaq che junam ta kichomanik kukʼ nikʼaj chik, kekun taj kechakun junam che usukʼumaxik ri kʼax. Ri Biblia ubʼim chik jasche je kibʼantajik waʼ ri winaq.

• «Ri kuʼinem ri kʼo rukʼ ri winaq [kukoj] che ubʼanik kʼax che ri rajil utzʼaqat» (Eclesiastés 8:9).

Ri Biblia kubʼij che kʼo jun qʼatbʼal tzij che kkunik kusukʼumaj ri kʼax pa ronojel ri uwach Ulew.

Jun qʼatal tzij che qas kel ukʼuʼx chke ri winaq

Ri Biblia kchʼaw chrij jun qʼatal tzij che kjunamataj ta rukʼ nijun winaq. Are ri Jesucristo ri utzalaj qʼatal tzij, rumal che kʼo uchuqʼabʼ y kʼo taqanik pa uqʼabʼ che ukʼamik lo jamaril y junamil chkixoʼl ri winaq.

• «¡Chtelechiʼn ri jamaril xuqujeʼ ri kolomal pa taq ri qʼij ri kqʼatan tzij[!]» (Salmo 72:7).

• «¡Chi konojel kʼut ri nimaʼq taq tinamit chepatanin che!» (Salmo 72:11).

Ri Jesús are jun utzalaj qʼatal tzij rumal che qas kraj keʼutoʼ ri winaq. Más na ri kbʼan kʼax chke.

• «Are kʼu kyoʼw na ri tobʼanik che ri mebʼaʼ ri ktzʼononik, xuqujeʼ ri kʼo urajawaxik ri man kʼo ta jachin kbʼanow toqʼobʼ che utoʼik. Kutoqʼobʼisaj na kiwach ri man nim ta keʼilik. Kutoʼtajisaj kʼut ri kikʼaslemal ri mebʼayibʼ. Keresaj pa ri latzʼ xuqujeʼ pa ri riqoj kʼax» (Salmo 72:12-14).

Chawetaʼmaj más chrij ri uQʼatbʼal tzij ri Dios, rech kawetaʼmaj jas tewchibʼal kariq rumal y jas kabʼan che uyaʼik ri atobʼanik che.

• Chawilaʼ ri video ¿Jas riʼ ri Rajawbʼal ri Dios?

• Chasikʼij ri kʼutunem «El Reino de Dios: un gobierno sin corrupción».