**¿La qas kkun ri Juegos Olímpicos kubʼano che kʼo junamil? | ¿Jas kubʼij ri Biblia chrij wariʼ?**

Weneʼ e 5,000 millones winaq kkil ri Juegos Olímpicos re Verano 2024 y keʼetzʼan winaq re 206 tinamit chupam. Ri Thomas Bach, presidente re ri Comité Olímpico Internacional, xubʼij: «Ri etzʼanem riʼ keʼuya ri winaq pa jamaril». Tekʼuriʼ xubʼij: «Kqabʼan ri Juegos Olímpicos rech qonojel kojkʼojiʼ pa junamil y jamaril, paneʼ jalajoj ri qabʼantajik y ri kojel wi».

¿La kkun riʼ ri Juegos Olímpicos kubʼano che ri winaq kekʼojiʼ pa jamaril? ¿La kojkunik kqariq ri qastzij jamaril y junamil?

¿La qas kkunik kuya jamaril y junamil ri Juegos Olímpicos?

Ri Juegos Olímpicos re wajun junabʼ riʼ ilom che ri e winaq xaq xiw ta chi keʼetzʼanik xaneʼ ujachom kiwach. Jun chke ri jastaq che kujach kiwach ri winaq are ri política, ri kojonem y ri pwaq. Xuqujeʼ ketzelax kiwach ri winaq rumal ri kitinamit y nim ta keʼilik.

Ri nimaʼq taq etzʼanem junam rukʼ ri Juegos Olímpicos kubʼano che kkimulij kibʼ kʼi winaq, are kʼu xuqujeʼ kubʼano che kkikʼut ri qas kibʼantajik, xa ta chi keʼumulij xaneʼ kubʼano che kʼo tasoj ibʼ chkixoʼl.

Ri Biblia uyaʼom chi ubʼixik che rumal ri kibʼantajik ri winaq, kamik kʼax uriqik ri jamaril y ri junamil (2 Timoteo 3:1-5). Rech kawetaʼmaj más chrij wajun profecía, chasikʼij ri kʼutunem «¿Predijo la Biblia cómo sería la gente en nuestros días?».

¿Jas kyaʼow na ri qastzij jamaril y junamil cho ri uwach Ulew?

Ri Biblia kuya ubʼixik chrij ri eyebʼal che qas kuya na jamaril y junamil pa ronojel ri uwach Ulew. Utzujum che konojel ri winaq kekʼojiʼ na pa junamil chuxeʼ jun qʼatbʼal tzij nim ubʼanik, wariʼ kbʼix Uqʼatbʼal tzij ri Dios che (Lucas 4:43; Mateo 6:10).

Ri rey re wajun Qʼatbʼal tzij riʼ are ri Jesús y kuya na jamaril pa ri uwach Ulew. Ri Biblia kubʼij:

«Chtelechiʼn ri jamaril xuqujeʼ ri kolomal» (Salmo 72:7).
«Areʼ kʼu kyoʼw na ri tobʼanik che ri mebʼaʼ ri ktzʼononik. [...] Keresaj pa ri latzʼ xuqujeʼ pa ri riqoj kʼax» (Salmo 72:12, 14).

Ri xukʼut kan ri Jesús e utoʼm kʼi winaq re 239 tinamit rech kekʼojiʼ pa junamil. Rumal che e cristianos, ri testigos rech Jehová re ronojel ri uwach Ulew ketaʼmam ri kkibʼano rech kʼo jamaril chkixoʼl. Rech kawetaʼmaj jas kibʼanom chawilaʼ ri wuj La Atalaya ubʼiʼ «Rompamos el ciclo del odio».