¿Jachin chrij kojkunik kqakubʼsaj wi qakʼuʼx? | ¿Jas kubʼij ri Biblia chrij wariʼ?

Ri e winaq kebʼisonik rumal che ri kkikubʼaʼ wi kikʼuʼx kkibʼan ta ri kkibʼij, junam kukʼ:

•  Ri políticos más chkij e areʼ kechoman wi y are ta kkitoʼ ri winaq.

•  Ri medios de comunicación are ta qas kkibʼij ubʼeʼal ri noticias.

•  Ri científicos are ta kkitzukuj ri utzilal chke ri e winaq.

•  Ri e kʼamal taq bʼe re ri e kojonem are kkiya ri kitobʼanik che ri política y man are ta keʼok il che ri uchak ri Dios.

Qastzij wi che rajawaxik qas kqil na jachin chrij kqakubʼsaj wi qakʼuʼx. Ri Biblia kubʼij wariʼ chqe:

•  «Meʼijikibʼaʼ ikʼuʼx chkij taq winaq ri nimaʼq kiqʼij, chkij winaq ri man kʼo ta kibʼanik ri man kekun ta ketoʼtajisanik» (Salmo 146:3).

¿Jachin chrij kojkunik kqakubʼa wi qakʼuʼx?

 Ri Biblia kubʼij che kʼo jun che kojkunik kqakubʼa wi qakʼuʼx, ¿jachin riʼ? Ri Jesucristo. Ri areʼ xaq xiw ta jun utz achi che xkʼojiʼ ojer kanoq. Ri Biblia kubʼij wariʼ chrij ri Jesús: «Ktaqan na puwiʼ ri nim tinimit [...] chbʼe qʼij saq. Ri utaqanik kʼut man kʼo ta ukʼistajik» (Lucas 1:32, 33). Ri Dios xukoj che Rey rech kuqʼat tzij pa ri Uqʼatbʼal tzij. Y kamik tajin chi kuqʼat tzij pa ri kaj (Mateo 6:10).

•  Rech kawetaʼmaj más jasche kuya kakubʼsaj akʼuʼx chrij ri Jesús, chawilaʼ ri e kʼutunem «¿Quién es el Rey del Reino de Dios?» y «¿Qué hará el Reino de Dios?».