Ri winaq kkikubʼsaj ta chi kikʼuʼx chkij ri políticos | ¿Jas kubʼij ri Biblia chrij wariʼ?

Pa ri 2024, cho ronojel ri uwach Ulew kbʼan na kʼi elecciones, kʼo ta jumul bʼanom wariʼ xa pa jun junabʼ. Are kʼu, e kʼi winaq kkikubʼsaj ta chi kikʼuʼx chkij ri políticos.

• Pa Estados Unidos xtaʼ chke e jujun winaq ri kkichomaj chkij ri políticos, e kʼi chke xkibʼij che ri políticos qastzij taj kkaj kekitoʼ ri e winaq xaneʼ «kkibʼan ri jastaq rech kkiriq utzilal ri e areʼ» (centro re investigación Pew Research Center, 19 re septiembre 2023).a

Kʼi chke ri alabʼom alitomabʼ xuqujeʼ kkikubʼsaj ta chi kikʼuʼx chkij ri políticos.

• «Kamik ri alabʼom alitomabʼ kkaj kkisukʼumaj ri kʼax che tajin kkʼulmataj cho ri uwach Ulew, are kʼu kkibʼij che kkikoj taj che ri políticos kekunik ketobʼanik rech ksukʼumataj ronojel» (The New York Times, 29 re enero 2024).

• «Jujun alabʼom alitomabʼ kkibʼij che are más kkikubʼsaj kikʼuʼx chkij ri winaq che e kʼo pa taq ri redes sociales o kkipaqsaj videos pa internet che kbʼix youtubers chke y are ta chkij ri políticos» (The Korea Times, 22 re enero 2024).

Rumal laʼ, ¿la qas kekun ri políticos kojkitoʼ rech kqariq utzilal? ¿Jachin chrij kojkunik kqakubʼsaj wi qakʼuʼx?

Qas chawilaʼ na jachin kakoj re

Are utz che qas kawil na jachin chrij kakubʼsaj wi akʼuʼx. Ri Biblia kubʼij: «Ri kon kukoj ronojel ri kbʼix che; ri utz kchomanik kril na jawijeʼ ri kbʼin wi» (Proverbios 14:15).

• We kawaj kawetaʼmaj ri kabʼan che uchʼobʼik jachike ri qastzij y ri xa molom taq tzij, chawilaʼ ri kʼutunem «Chachajij awibʼ chuwach ri molom taq tzij».

Paneʼ jun político kʼo jun utz ranimaʼ y qastzij kraj kutoʼ ri tinamit are kʼu kkun taj kubʼano. Rumal laʼ, ri Biblia kuya wajun pixabʼ ri chqe:

• «Meʼijikibʼaʼ ikʼuʼx chkij taq winaq ri nimaʼq kiqʼij, chkij winaq ri man kʼo ta kibʼanik ri man kekun ta ketoʼtajisanik» (Salmo 146:3).

Jun qʼatal tzij che kuya kkubʼsax kʼuʼx chrij

Ri Biblia kuya ubʼixik che ri Dios xuchaʼ jun qʼatal tzij che sibʼalaj utz y qas kkunik kojutoʼ: ri Jesucristo (Lucas 1:32, 33). Ri Jesús are ri qʼatal tzij re ri Uqʼatbʼal tzij ri Dios, che kʼo pa ri kaj (Mateo 6:10).

• We kawaj kawetaʼmaj jasche katkunik kakubʼsaj akʼuʼx chrij ri Jesús y ri kubʼan na che usukʼumaxik ronojel ri kʼax, chawilaʼ ri e kʼutunem «¿Quién es el Rey del Reino de Dios?» y «¿Qué hará el Reino de Dios?».