Miércoles 1 re octubre
Ri winaq ri kayaʼ kinoʼj rumal ri Dios [...] e nimanelabʼ (Sant. 3:17).
¿La kʼax kabʼan che ukʼutik nimanik? Are je xubʼan ri David. Rumal laʼ xubʼij wariʼ che ri Dios: «Bʼanaʼ la chwe chi kinnaʼ chi jumul ri kikotemal ri kuyaʼ ri kolonik la» (Sal. 51:12). Paneʼ ri David sibʼalaj kuloqʼoqʼej ri Jehová, are kʼu jujun taq mul kʼax xubʼan che unimaxik y ri oj xuqujeʼ je kqakʼulmaj. ¿Jasche? Nabʼe, rumal che qechebʼem kan wajun itzel bʼantajik riʼ che kʼax kqabʼan che ukʼutik nimanik. Ukabʼ, rumal che ri Satanás kojutaqchiʼj rech kojniman taj, junam rukʼ ri xubʼan ri areʼ (2 Cor. 11:3). Y urox, rumal che oj kʼo pa jun uwach Ulew che ri winaq kkaj taj kenimanik; y che «ri uxlabʼal ri kataqan pa kiwiʼ ri man keniman ta che ri Dios» (Efes. 2:2). Rumal laʼ, rech kqanimaj ri Jehová y ri uyaʼom taqanik pa kiqʼabʼ rajawaxik kqakoj qachuqʼabʼ rech keqanimaj y kqaxutuj ri kkibʼan ri winaq che e kʼo pa uqʼabʼ ri Satanás. w23.10 6 párr. 1
Jueves 2 re octubre
Akʼolom kan ri utzalaj uwaʼl uva kʼa che ri ukʼisbʼalil (Juan 2:10).
¿Jas kqetaʼmaj chrij ri milagro che xubʼan ri Jesús? Ri Jesús xunimarisaj ta ribʼ are chiʼ xubʼan vino che ri joron y are chiʼ xubʼan milagros. Xaneʼ amaqʼel xraj che are xyaʼ uqʼij ri uTat (Juan 5:19, 30; 8:28). We kqesaj uwach ri Jesús kqanimarisaj ta qibʼ riʼ che ri kojkun che ubʼanik. Maqanimarisaj qibʼ, xaneʼ are chqayaʼ unimal uqʼij ri Jehová (Jer. 9:23, 24). Rumal che we kʼo ta ri utobʼanik qukʼ kʼo ta kojkun che ubʼanik (1 Cor. 1:26-31). Jun winaq che kmachʼachʼik kubʼij taj jas ri xubʼan che kitoʼik ri e nikʼaj chik. Kraj che xaq xiw ri Jehová ketaʼmanik (chajunamisaj rukʼ Mateo 6:2-4; Heb. 13:16). We kqakʼut machʼachʼem junam rukʼ ri Jesús sibʼalaj kkikot ri Jehová qukʼ (1 Ped. 5:6). w23.04 4 párr. 9; 5 párrs. 11, 12
Viernes 3 re octubre
Kʼo jun mutzukuj xuwi ri qas utz che, xaneʼ xuqujeʼ ri utz na chke ri juleʼ chik (Filip. 2:4).
Ri apóstol Pablo xubʼij che rajawaxik kojchoman chkij ri e nikʼaj chik. Kqanimaj wajun pixabʼ are chiʼ kqaya bʼe chke ri e nikʼaj chik kkiya kicomentarios. Chojchʼaw chrij jun kʼutbʼal che kojutoʼ che uchʼobʼik wariʼ. ¿La mat qastzij che xaq xiw ta ri at katchʼawik are chiʼ at kʼo rukʼ jun awachiʼl? Je wariʼ kkʼulmataj pa ri e qariqbʼal ibʼ, kqaj che ri e qachalal kkiya ri kicomentarios. Kqaya kichuqʼabʼ ri e qachalal are chiʼ kqaya bʼe chke e areʼ kkiya kicomentarios (1 Cor. 10:24). Chqilaʼ ri kojkunik kqabʼano rech e kʼi kkiya kicomentarios. Rajawaxik kʼi ta tzij kqabʼij are chiʼ kqabʼan qacomentarios rech kechʼaw chi ri e nikʼaj. Katchʼaw ta chrij ronojel ri kubʼij ri párrafo rech kʼo kkibʼij chi ri nikʼaj qachalal. w23.04 22, 23 párrs. 11-13