Lunes 15 re septiembre
Wachalal, ri qʼaxal taq utzij ri Dios ri xetzijon pa ri ubʼiʼ ri Ajawaxel xkiriq kʼax, xkeyej kʼa xokʼow na ri kʼaxkʼolil. Cheʼikʼamaʼ che kʼutbʼal, chibʼanaʼ iwe jas ri xkibʼan ri e areʼ (Sant. 5:10).
Ri Biblia kchʼaw chkij winaq che xkikʼut paciencia. Utz we kanikʼoj ri kikʼaslemal ri winaq riʼ. Ri David kʼa ala na are chiʼ xchaʼ che qʼatal tzij pa Israel, are kʼu xreyej na kʼi junabʼ rech kuqʼat tzij. Ri Simeón y ri Ana rukʼ sukʼilal xkipatanij ri Jehová are chiʼ xkeyej che kpe ri Mesías (Luc. 2:25, 36-38). Are chiʼ kanikʼoj uwach ri e bʼantajik riʼ che e kʼo pa ri Biblia, chachomaj: «¿Jas xtoʼw wajun winaq riʼ rech xukʼut paciencia? ¿Jas utzilal xuriqo rumal che xukʼut paciencia? ¿Jas kinbʼan che resaxik uwach?». Xuqujeʼ kʼo kʼi kawetaʼmaj chkij ri xkʼojiʼ ta kipaciencia (1 Sam. 13:8-14). Chachomaj wariʼ: «¿Jasche xkʼojiʼ ta kipaciencia? ¿Jas kʼax xkiriqo rumal che xkikʼut ta paciencia?». w23.08 25 párr. 15
Martes 16 re septiembre
Ri uj qakojom, xuqujeʼ ketaʼm chi lal riʼ ri Jun ri Tastalik rech ri Dios (Juan 6:69).
Ri apóstol Pedro amaqʼel xukʼut sukʼilal. Kʼo ta jun jastaq xqʼaten che utereneʼxik ri Jesús. Xukʼut ri usukʼilal are chiʼ ri Jesús xubʼij jun tzij che xkichʼobʼ ta ri utijoxelabʼ (Juan 6:68). Ri tijoxelabʼ xkeyej ta na che xqʼalajisax chkiwach ri xubʼij ri Jesús, xaneʼ xetzalij cho taq kachoch. Are kʼu ri Pedro je ta xubʼano. Xaneʼ xubʼij wariʼ che ri Jesús «ukʼ la kʼo wi ri tzij re junalik kʼaslemal». Ri Jesús retaʼm che ri Pedro y nikʼaj chi utijoxelabʼ kkiya kan utukel. Paneʼ je xkibʼano, are kʼu ri Jesús retaʼm che ri Pedro kux na sukʼ che (Luc. 22:31, 32). Ri Jesús retaʼm ri xkikʼulmaj ri utijoxelabʼ, rumal laʼ xubʼij: «Ri iwanimaʼ kraj, are kʼu ri icuerpo man kʼo ta uchuqʼabʼ» (Mar. 14:38). Xuqujeʼ are chiʼ ri Pedro xubʼij che kuchʼobʼ ta uwach ri Jesús, rumal ta wariʼ xyaʼ kan rumal. Are chiʼ xaq utukel ri Pedro ri Jesús xukʼut ribʼ chuwach are chiʼ xkʼastajik (Mar. 16:7; Luc. 24:34; 1 Cor. 15:5). Qastzij riʼ che wariʼ xtobʼan che ri Pedro rech xubʼan ta kebʼ ukʼuʼx. w23.09 22 párrs. 9, 10
Miércoles 17 re septiembre
Utz kech ri xesachtaj ri ketzelal, xechʼuqutaj kʼu ri kimak (Rom. 4:7).
Ri Jehová kukuy kimak ri winaq are chiʼ kekojon chrij y knaʼtaj ta chi ri kimak che (Sal. 32:1, 2). Ri Jehová kukuy kimak ri e winaq riʼ rumal ri kisukʼilal y kekojon chrij. Paneʼ ri Abrahán, ri David y nikʼaj chi upatanelabʼ ri Dios xbʼixik chi xeʼux sukʼ, are kʼu kʼo xemakun wi. Rumal ri kikojonik ri Dios xubʼij chi e sukʼ y che kejunamataj ta kukʼ ri winaq che kekojon ta che ri Dios (Efes. 2:12). Pa ri Carta che xutzʼibʼaj ri apóstol Pablo chke ri Romanos, xuqʼalajisaj che rech kojux rachiʼl ri Jehová rajawaxik kojkojon chrij. Are waʼ ri xkibʼan ri Abrahán y ri David, y ri oj xuqujeʼ kojkunik kqabʼan qe junam kukʼ areʼ. w23.12 3 párrs. 6, 7