¿Jasche kʼo kʼi itzelal y kʼaxkʼolil?

Are chiʼ kkʼulmataj kʼaxkʼolil e kʼi winaq kkibʼij: «¿Jasche xkʼulmataj wariʼ?». Ri Biblia kukubʼsaj qakʼuʼx rumal che kuya urespuesta ri pregunta riʼ.

1. ¿Jas xubʼan ri Satanás rech xtikitaj ri itzelal cho ri uwach Ulew?

Ri Itzel, Satanás, xniman ta che ri Dios. Xeʼusubʼ ri nabʼe taq winaq—Adán y Eva—rech xeniman ta che ri Dios rumal che kraj kukʼam bʼe pa kiwiʼ nikʼaj chik. Xkun che kisubʼik are chiʼ xubʼij jun molom tzij che ri Eva (Génesis 3:1-5). Xubʼij che ri Jehová tajin ta kuya ronojel ri jastaq chke. Rukʼ wariʼ tajin kubʼij che ri winaq más kekikot na we keniman ta che ri Dios. Ri nabʼe molom tzij che xubʼij Satanás che Eva are che kkam taj. Rumal laʼ kbʼix «bʼanal tzij, xuqujeʼ ri [...] utat ri bʼanoj tzij» che (Juan 8:44).

2. ¿Jas xkichaʼ ubʼanik Adán y Eva?

Ri Jehová xuya jun utzalaj kikʼaslemal ri Adán y Eva. Xubʼij chke che kekunik kkitij ronojel ri uwach ri e cheʼ che kʼo pa ri kotzʼiʼjalaj Edén y xa jun chke ri cheʼ xubʼij che kkitij taj (Génesis 2:15-17). Are kʼu ri e areʼ xkitij uwach ri cheʼ che bʼim chke che kkitij taj. Ri Eva «xuchʼup kʼu jun chke ri e uwach ri cheʼ, xutij kʼut xuya kʼu rech ri rachajil, xuqujeʼ kʼu ri areʼ xutijo» (Génesis 3:6). Ri Adán y Eva e tzʼaqat taq winaq are kʼu xeniman ta che ri Dios. Chiʼ xeniman ta che, xemakunik y xkikʼutu che kkaj taj che ri Dios kuqʼat tzij pa kiwiʼ. Rukʼ ri xkichaʼ ubʼanik xkiriq kʼi kʼaxkʼolil (Génesis 3:16-19).

3. ¿Jas kʼaxkʼolil tajin kqariq kimik rumal ri xkichaʼ ubʼanik ri Adán y Eva?

Are chiʼ ri Adán y Eva xemakunik, xeʼux ajmakibʼ y wariʼ xubʼano che xkiqʼaxej chke konojel ri winaq. Ri Biblia kubʼij: «Je kʼu riʼ, xa rumal jun winaq xok ri makaj cho ri uwach Ulew xukʼam kʼu uloq ri kamikal, xqʼax kʼu ri kamikal chke konojel, konojel kʼut e makuninaq» (Romanos 5:12).

Rumal laʼ, ¿jasche kqariq kʼax? Jujun taq mul are rumal ri kqachaʼ ubʼanik. Xuqujeʼ rumal ri kkichaʼ ubʼanik ri nikʼaj chi winaq. Y jujun taq mul rumal che xaq kʼateʼ kqariq kʼax (chasikʼij Eclesiastés 9:11).

CHANIMARISAJ RI AWETAʼMANIK

4. Ri ajmak che ri kʼaxkʼolil

E kʼi winaq kkibʼij che pa uqʼabʼ ri Dios kʼo wi ri uwach Ulew. ¿La qastzij wariʼ? Chiwilaʼ ri VIDEO.

VIDEO: ¿Jachin pa uqʼabʼ kʼo wi ri uwach Ulew? (1:24)

Chisikʼij Santiago 1:13 y 1 Juan 5:19, y chixtzijon chrij wariʼ:

• ¿La are ri Dios ajmak che ri itzelal y ri kʼaxkʼolil?

5. Ri kʼax che uyaʼom ri uqʼatbʼal tzij ri Satanás

VIDEO: ¿Jasche uyaʼom ri Dios che kʼo kʼaxkʼolil? (uchʼaqapil) (3:07)

Chisikʼij Génesis 3:1-6 y chixtzijon chrij wariʼ:

• ¿Jas molom tzij xubʼij ri Satanás? (Chiwilaʼ ri versículos 4 y 5).

• ¿Jas xraj xubʼij ri Satanás are chiʼ xubʼij che ri Jehová tajin ta kuya ri utz taq jastaq chke ri winaq?

• Ri Satanás xubʼij che taqal ta che ri Jehová che kuqʼat tzij pa kiwiʼ ri winaq, ¿la qastzij wariʼ?

Chisikʼij Eclesiastés 8:9 y chixtzijon chrij wariʼ:

• ¿Jas tajin kkikʼulmaj ri winaq rumal che are ta ri Jehová tajin kqʼatow tzij pa kiwiʼ?

1. Adán y Eva xekʼojiʼ pa jun Kotzʼiʼjalaj ulew y tzʼaqat ri kikʼaslemal, are kʼu xkinimaj ri xubʼij ri Satanás y xeniman ta che ri Jehová.

2. Are chiʼ xeniman taj, ri makaj, ri kʼaxkʼolil y ri kamikal xjabʼun cho ronojel ri uwach Ulew.

3. Jehová kusach na uwach ri makaj, ri kʼaxkʼolil y ri kamikal. Ri winaq keʼux chi na tzʼaqat y kekʼojiʼ na pa jun Kotzʼiʼj uwach Ulew.

6. Ri Jehová kbʼisonik chiʼ kqariq kʼax

¿La kel ukʼuʼx ri Dios chqe chiʼ kqariq kʼax? Chawilaʼ ri xkitzʼibʼaj kan ri qʼatal tzij David y ri apóstol Pedro. Chisikʼij Salmo 31:7 y 1 Pedro 5:7, y chixtzijon chrij wariʼ:

• ¿Jas kanaʼo chiʼ kawetaʼmaj che ri Jehová krilo y kbʼisonik chiʼ kqariq kʼax?

RI XQETAʼMAJ

Satanás y ri nabʼe jukʼulaj winaq are e ajmak che ronojel ri itzelal che kʼo cho ronojel ri uwach Ulew. Jehová kbʼisonik chiʼ kqariq kʼax y naj ta chi kraj kusach uwach ri kʼaxkʼolil.

¿La knaʼtaj chawe?

• ¿Jas molom tzij xubʼij ri Itzel che ri Eva?

• ¿Jas kʼax tajin kqariq kimik rumal ri xkibʼan Adán y Eva?

• ¿Jasche kqabʼij che ri Jehová kbʼisonik chiʼ kqariq kʼax?

CHAWILAʼ CHI NIKʼAJ

Chawilaʼ ri kuya ubʼixik ri Biblia chrij ri makaj.

«¿Jas riʼ ri makaj?» (Kʼutunem re jw.org)

Chawilaʼ ri molom taq tzij che xubʼij ri Satanás pa ri kotzʼiʼjalaj Edén.

«¿Jasche uyaʼom bʼe ri Dios che kqariq kʼax?» (La Atalaya, 1 re enero 2014)

Chawilaʼ ri urespuesta jun pregunta che kʼax uchʼobʼik y che kukubʼsaj qakʼuʼx.

«¿Jasche ri Dios kʼo ta xubʼano chiʼ xekamisax e kʼi judíos?» (Kʼutunem re jw.org)

Chawilaʼ ri xretaʼmaj jun achi che xuriq kʼax.

Nutukel ta chik in kʼolik (5:09)