Isaïas
12 Tsë witsanqa kënömi niyanki:
“Teyta Jehovä noqakunawan alläpa cölerashqa këkarpis,
cölerëki pasariptinqa shoqayämarqunkim.
Tsëmi qamta gracias niyaq.+
2 ¡Rikäyë! Teyta Diosmi salvamaqnintsik.+
Teyta Diosmi kallpayoq y puëdeq kanapaq yanapamantsik.+
Teyta Jehovämi* salvamaqnintsik tikrashqa.
Pëman confiakurqa manam imatapis mantsashuntsu”.+
3 Alläpa kushikurmi salvacionta apamoq yakuta,
yaku pashtanqampita chaqayanki.+
4 Tsë witsanmi qamkunaqa niyanki:
“Teyta Jehoväta agradecikuyë y jutimpa mañakuyë,
imëkata ruranqankunapita mëtsë markakunachö willakuyë.+
Jutin imanö alabashqa kanqampita pïmëta musyatsiyë.+
5 Imëkatapis imanö ruranqampita,+ Teyta Jehoväta cantar* alabayë.+
Imëkata ruranqampita mëtsëchö musyatsikuyë.
6 Sionpita nunakuna büllarnin alläpa kushikuyë,
Israelpa Limpiu Diosninmi qamkunawan këkan, y pëqa alläpa puëdeqmi”.