Isaïas
62 Sionta kuyanqäman pensarmi upällaqa quedakushaqtsu+
y Jerusalenta kuyanqäman pensarmi tranquïluqa quedakushaqtsu.
Tsënöqa kanqa pëkunachö alli rurë chipapaq aktsinö rikakunqanyaq+
y salvashqa kayanqan ninanö rikakunqanyaqmi.+
2 “Warmi,+ allita ruranqëkitam mëtsë nacion nunakuna rikäyanqa
y llapan gobernaqkunam respetayäshunki+
y kikin Teyta Jehovä churashunqëki mushoq jutikipam reqiyäshunki.+
3 Teyta Jehoväpa makinchömi juk shumaq corönanö kanki
y gobernaqpa peqan o uman wankukunannömi, Teyta Diospa maki paltanchö kanki.
4 Manam dejayanqan warmi nirnatsu reqiyäshunki+
y manam markëkitaqa ushakätsishqa marka niyanqanatsu.+
Teyta Jehovä qampita kushishqa sientikuptin,
y markëki juk casäda warminö kaptinmi,
“Pëchömi Kushikuyta Tarï” nir reqiyäshunki,+
y markëkitanam “Casäda Warmi” nir reqiyanqa.
5 Imanömi juk jövin piwampis manaraq oqllanakushqa shipashwan casakun,
tsënöllam qamchö këkaqkunapis qamwan casakuyanqa.
Juk novia noviumpaq alläpa kuyë kanqannöllam,
qampis Teyta Diosnikipaq alläpa kuyë kanki.+
6 Jerusalen marka, murällëkikunamanmi täpakoqkunata churarqö.
Tsë täpakoqkunaqa manam paqasta ni junaqtapis upällaqa quedakuyänantsu.
Qamkuna, Teyta Jehoväpita willakoqkuna ama tsë rurëta dejayëtsu.
7 Jerusalen alli patsakanqanyaq
y mëtsë nacionpita nunakuna shumaq kanqanta rikäyanqanyaq, pëman mañakur sïguiyë”.+
8 Teyta Jehoväqa, derëcha makinta pallarkur,* y llapan kallpanwanmi juranqanta cumplinampaq kënö änikushqa:
“Alli trabajarnin tarinqëki mikunëkipaq gränuykikunataqa
chikishoqnikikuna manam apakuyanqanatsu, ni llullu vïnuykita juk nacion nunakuna upuyanqanatsu.+
9 Tsëpa rantinqa muruyanqëkikunata cosechar y tsëta mikurmi noqa Jehoväta alabayämanki.
Llullu vïnuta ruraqkunapis sagrädu sitiuchömi kikinkuna upuyanqa”.+
10 Pasayë, punkukunapa pasayë.
Markaman ëwaq nänita limpiayë.+
Rurayë, nänikunata rurayë,
tsëpita rumikunata limpiayë.+
Markakunapita nunakuna rikäyänampaq juk señalta jawiyë.+
11 ¡Rikäyë! Entëru patsapa kuchunyaqmi
Teyta Jehoväqa kënö willakatsishqa:
“Sionpita nunakunata* kënö niyë:
‘¡Rikë! Ichikllachönam salvashqa kanki.+
¡Rikë! Pëqa päguykita y entregashunëkipaq kaqta listunam katsin’”.+
12 Qamkunataqa Teyta Jehovämi yapë rantiyäshurqunki.+
Markëkikunataqa sagrädu marka nirmi reqiyanqa, y qamtaqa “Ashishqa” marka y “Mana Dejashqa” marka nirmi reqiyäshunki.+