1 Samuel

27 Davidqa kënömi pensarqan: “Saulqa imë höra karpis wanutsimanqam. Mana tarimänampaq filisteu nunakunapa markankunata ëwakushaq.+ Tsënöpam entëru Israelchö ashimarpis tarimanqatsu”.+ 2 Tsënö pensarmi Davidqa seiscientus soldädunkunawan+ Gat markapa gobernaqnin Akis+ kaqta ëwakurqan. Pëqa Maocpa tsurinmi karqan. 3 Akispa markanchömi Davidwan soldädunkunaqa familiankunawan kawakuyarqan. Davidqa ishkan warminkunawanmi quedakurqan, Jezreel markapita Ahinoamwan+ y Carmëlu markapita Nabalpa viudan Abigailwan.+ 4 Saulqa, Gat markata David ëwakushqa kanqanta willariyaptinmi ashirqannatsu.+

5 Tsëpitanam Davidqa Akista nirqan: “Noqalläqa manam gobernanqëki markachöqa quedakümantsu. ¿Manatsuraq mas karullachö kawakuyänäpaq juk sitiuta rikëkatsillämankiman?”. 6 Tsënö mañakuptinmi Akisqa tsë junaqlla Davidta rikätsirqan Ziclag+ markata. Y tsë junaqpitam Ziclag markaqa Judächö gobernaqkunapana kashqa.

7 Davidqa filisteu nunakunapa markanchöqa juk wata y chusku killam täkurqan.*+ 8 Davidqa tsë sitiupitam soldädunkunawan ëwar Telampita hasta Sur+ sitiuchö täkoq* nunakunata atacaq y Egiptuman yëkunan markakunayaqmi chaq, atacanqan nunakunaqa kayarqan guesurïtakuna,+ guirzïtakuna y amalequïtakunam.+ 9 Tsë markakunaman David pelyaq chëkurqa, ollqutapis warmitapis llapantam wanutseq.+ Y üshankunata, wäkankunata, ashnunkunata, camëllunkunata y röpankunataqa llapantam apakoq. Tsëpitanam Akis nunaman kuteq. 10 Akisnam, “më markakunatataq kanan ushakätsimurqunki” nir tapupaq. Davidnam, “Judä+ markakunapa* lädun markakunata” o “jerahmeelïta+ nunakuna kawakuyanqan lädun* markakunata” o “quenïta+ nunakuna täkuyanqan* lädun* markakunatam” nirlla willaq. 11 Davidqa kënömi pensaq: “Kawëkaqta dejarishqaqa capaz Gat markachö willakuriyanqa”. Tsënö nirmi warmitapis ollqutapis llapanta ushakätseq. (Davidqa filisteu nunakunapa markankunachö kawanqan tiempuqa tsënömi ruraq). 12 Akisqa David tsënö ninqanta creirmi kënö pensaq: “Kananqa israelïta mayinkunaqa Davidta alläpachi chikiyan, y imëpis sirwimänampaqmi quedakunqa”.