• 2 Samuel 22:32-43
    Mushoq Patsachö Kawaqkunapaq Biblia

    • 32 Teyta Jehovänöqa manam juk diosqa kantsu,+ pënöqa manam ni pï kantsu.

      Diosnintsikqa tsapäkoq qaqa cuentam.+

      33 Teyta Diosqa tsapäkoq alli següru markanömi,+

      pëmi yanapamanqa munanqannö kawanäpaq.+

      34 Pë yanapamaptinmi luychunöraq cörrita puëdï;

      feyu jirkakunapa purirpis manam ishkïtsu.+

      35 Guërrachö alli pelyanäpaqmi yachatsiman;

      cobripita flëchakuna arcutapis doblëta puëdïmi.

      36 Qamqa escüdu cuentam imëkapitapis salvamanki,

      y humildi karmi puëdeq kanäta munanki.+

      37 Purinqä nänitam jatunyätsinki,

      tsëmi lutskakar* ishkïtsu.+

      38 Chikimaqnïkunatam qati qatïkur ushakätsishaq;

      llapankunata wanuskatsir-ran kutimushaq.

      39 Mana sharkayämunampaqmi pasëpa* ushakätsishaq;+

      chaki puntäman ishkishqatam jaruräshaq.

      40 Qammi pelyanäpaq kallpayoqta tikratsimanki;+

      puntämanmi chikimaqnïkunata ishkitsimunki.+

      41 Qam yanapamaptikim, chikimaqkunaqa mantsamar ëwakuyanqa;+

      llapan chikimaqkunatam ushakätsishaq.*+

      42 Yanapayänanta munar qayakuyaptimpis, manam pillapis yanapashqatsu;

      Teyta Jehoväman qayakuyaptimpis manam cäsushqatsu.+

      43 Allpata polvuyanqanyaq aqaqnömi pëkunata ushakätsishaq;

      polvuyäyanqanyaqmi llapantam ushakätsishaq y cällichö leqitatanömi jarur ushashaq.