2 Corintius
1 Teyta Dios munaptin Cristu Jesuspa apostolnin noqa Pablupita y wawqintsik Timoteupita,+ Corintuchö Diospa congregacionninchö kaqkunapaq, y entëru Acäyachö+ këkaq limpiu nunakunapaq:
2 Teytantsik Dios y Señornintsik Jesucristu qamkunawan alläpa alli këkuyätsun y yamë kayänëkipaq yanapëkuyäshuy.
3 Señornintsik Jesucristupa+ Teytan y Diosnin alabashqa katsun. Pëqa llapan shonqunwan llakipäkoq*+ Teyta y tukuynöpa shoqakoq Diosmi.+ 4 Pëqa imëka mana allikunapa* pasashqam kallpayoq kanapaq yanapamantsik,*+ tsënöpa Teyta Dios yanapamanqantsiknölla, imëka mana allikunapa* pasayaptin+ wakinkunata kallpayoq kayänampaq yanapanapaq.+ 5 Awmi, Cristupa qateqnin kanqantsikrëkur imëkata sufrirpis,+ Cristurëkur imëkanöpa shoqashqa këkantsik. 6 Imëka mana allikunata sufriyanqäqa, qamkunata shoqayänaqpaq y salvayänaqpaqmi kashqa, y shoqashqa kayanqäpis, qamkunata shoqayänaqpaqmi kashqa. Tsëmi sufriyanqä sufrimientukunapa pasar alli tsarakuyänëkipaq yanapayäshunki. 7 Noqakunaqa alli tsarakuyänëkipaq kaqtam següru këkäyä. Awmi, musyayämi sufriyanqä sufrimientukunapa pasarqa, noqakunanölla shoqashqa kayänëkipaq kaqtapis.+
8 Wawqikuna y panikuna, Asia provinciachö+ këkar sufrimientukunapa pasayanqäta musyayänëkitam munayä. Tsëchöqa aguantëta puëdiyanqäpitapis masmi sufriyarqä, tsëmi kawayänäpaq o mana kawayänäpaq kaqtapis musyayarqätsu.+ 9 Rasumpa kaqchöqa, wanuyänäpaq condenashqa kayanqätam pensayarqä. Tsëpaqa pasayarqä, kikïkunaman confiakuyänäpa rantin wanushqakunata kawatseq Teyta Diosman confiakuyänäpaqmi.+ 10 Pëmi ichikllapa wanutsiyämänampita salvayämarqan, y yapëpis salvayämanqam, y segürum këkäyä imëpis salvayämänampaq kaqta.+ 11 Qamkunapis noqakunapaq Teyta Diosman rogakurmi yanapayämëta puëdiyanki.+ Tsënömi noqakunapaq mëtsikaq mañakuyaptin Teyta Dios yanapayämanqampita, mëtsikaq agradecikuyta puëdiyanqa.+
12 Këpitam alabakuyä: concienciäkunam musyatsikun kë munduchö nunakunawan këkar y masran qamkunawannäqa, Teyta Dios yanapayämaptin limpiu shonquyoq y derëchu nuna kar alli portakuyanqäta, tsëtaqa manam nunakunapa yachëninwantsu rurayarqä, sinöqa Teyta Dios noqakunawan alläpa alli kaptinmi.+ 13 Rasumpa kaqchöqa, leyita* y entiendita puëdiyanqëkillatam qamkunaman qellqëkämü. Kë llapan ninqäkunata alli entiendiyänëkipaq kaqtam següru këkä, 14 Señornintsik Jesuspa junaqninchö noqakuna alabakuyänäpaq kayanqëkinölla, qamkuna alabakuyänëkipaq kayanqäta ichikllapis cuentata qokuyanqëkinö.
15 Tsëman confiakurmi puntataqa qamkunamanraq shamuyta munarqä, tsënöpa yapëpis kushishqa kayänëkipaq.* 16 Noqaqa Macedoniata ëwar y Macedoniapita kutimurmi qamkunaman shamuyta munarqä, tsënöpa Judëaman ëwaq nänita mëyaqllapis noqawan juntu shayämunëkipaq.+ 17 Qamkunaman shamunäpaq kaqta decidirqä, manam ichikllapaqtsu churarqä, ¿aw? ¿O kikïllaman pensar imatapis decidirku, “Awmi, awmi” nirir tsëpitaqa “Manam, manam” nikä? 18 Teyta Diosman markäkuyta o yärakuyta puëdinqantsiknöllam, niyanqaqkunapis “awmi” nirir tsëpitaqa “manam” nitsu. 19 Noqa, Silvänu* y Timoteu+ willayanqaq Teyta Diospa Tsurin Jesucristuqa, manam “awmi” këkartsu, tsëpitaqa “manam” kashqa. Pëpa cäsunchöqa, “awmi” kaqqa, “awmi” kashqa. 20 Teyta Dios änikunqankunaqa mëtsika karpis Jesusrëkurmi “awmi” këman chäyashqa.+ Tsëmi pëpa jutinchö Teyta Diostapis “tsënö kallätsun”* nintsik,+ tsënömi noqantsikrëkur Teyta Diosta alabayan. 21 Peru qamkuna y noqakuna Cristupa kanqantsikta cläru rikätsikoq y akramaqnintsikqa Diosmi.+ 22 Pëqa noqantsikmanmi sëllunta churamurqan,+ y shamoq tiempuchö chaskinapaq kaqpita següru kanapaqmi, santu espïrituta+ garantïatanö* shonquntsikman churamushqa.
23 Kananqa qamkunaman yarpar Corintuman manaraq shamunqäta següru kayänëkipaqmi, Teyta Diosta kikïpa conträ* testïgutanö churä. 24 Qamkunaqa markäkoq o yärakoq karmi alli tsarakuykäyanki. Tsëmi markäkuyanqëkichö mandakoqkuna kayanqätatsu nikä,+ sinöqa kushishqa kayänëkipaq yanapakoqkuna kayanqätam.